“Google” öz “Chrome” brauzeri üçün sıfır-gün (hakerlər tərəfindən, məlumat, kompüter və ya şəbəkəyə mənfi təsir üçün istifadə olunur) boşluğunu aradan qaldıran təcili təhlükəsizlik yeniləməsini təqdim edib.
Yeniləmə artıq “Windows”, “macOS” və “Linux” əməliyyat sistemləri üçün əlçatandır. “Google”un özünün verdiyi məlumata görə, müəyyən edilmiş boşluq artıq dələduzlar tərəfindən istifadəçilərə hücum etmək üçün fəal şəkildə istifadə olunur, ona görə də şirkət hər kəsə mümkün qədər tez brauzerin yeni versiyasını quraşdırmağı tövsiyə edir.
Yeniləmədə eyni zamanda yeddi təhlükəsizlik düzəlişi həyata keçirilib, lakin onlardan ən vacibi “Chrome”da və “Chrome OS”, “Android” və “Flutter” kimi “Google”un digər xidmətlərində istifadə edilən “Skia 2D” qrafika kitabxanasında tam ədədlərin çoxalması probleminə aid olan “CVE-2023-6345”dir. Bu zəif yer istifadəçi “Chrome”da xüsusi veb səhifə açdıqda dələduzlara kompüterdə ixtiyari kod icra etməyə imkan verir. Beləliklə, haker sistemə tam nəzarət edə, məlumatları oğurlaya və ya silə, zərərli proqram quraşdıra və ya digər hərəkətləri edə bilər.
Mənbə: gazeta.ru
- Paşinyan Azərbaycanla sərhədə gəldi, bu divara toxundu - Foto
- Ərdoğanın müavini Azərbayacana gəlir
- Bir-iki il əvvəl Bakı ilə narrativlərimiz ziddiyyətli idi... - Qriqoryan
- Eyyubov Moskvada mühüm iclasda: Diqqət çəkən məqam...
- Rusiya Zəngəzur dəhlizinə etiraz etdi
- Hikmət Hacıyev Dohada Qətərin dövlət naziri ilə görüşdü
- 30 ildir sədrdir, məhkəməsinə 30 adam gəlmədi...
- Dubay şeyxinin keçmiş həyat yoldaşı olan tanınmış gimnastın durumu - Bu detal müdaxiləyə imkan vermir