Hacıqabul Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində ötən ilin sonlarında rayonun Padar qəsəbəsi və Atbulaq kəndi ərazisində yerləşən 2 fərdi təsərrüfatdan 6 baş xırdabuynuzlu və 1 baş iribuynuzlu heyvan oğurlayaraq zərərçəkmişlərə ümumilikdə 4 000 manatdan artıq maddi ziyan vuran üç nəfər saxlanılıb.
Bu barədə BUTA.TV-a DİN-in Mətbuat xidmətindən bildirilib.
Araşdırmalarla onların Ağdam rayon sakini Əvəz Qurbanov, Bərdə rayon sakini Fariz İbrahimov və Tovuz rayon sakini Akif Quliyev olduqları müəyyən edilib.
Həmin şəxslərin ətrafında aparılan əməliyyat tədbirləri nəticəsində onların digər cinayət əməllərinin üstü də açılıb. Belə ki, adları çəkilən şəxslər ötən ilin noyabr ayı ərzində Ucar və Kürdəmir rayonları ərazisində analoji cinayət əməlini törədərək 3 fərdi təsərrüfatdan 6 xırdabuynuzlu və 3 baş iribuynuzlu heyvan oğurlayaraq zərərçəkmişlərə maddi ziyan vurublar.
Üç rayon ərazisindən ümumilikdə 16 heyvan oğurlayan Əvəz Qurbanov, Fariz İbrahimov və Akif Quliyev heyvanları sonuncuya məxsus nəqliyyat vasitəsi ilə Bakı şəhəri apararaq F.İbrahimov işlətdiyi ət məhsullarının satışı məntəqəsində satıblar, əldə etdikləri pulları isə öz aralarında bölüblər.
Faktla bağlı Hacıqabul RPŞ-nin İstintaq Bölməsində cinayət işi başlanılıb, saxlanılan şəxslər barəsində rayon məhkəməsinin qərarı ilə həbs qətimkan tədbiri seçilib.
Ə.Qurbanov, F.İbrahimov və A.Quliyev bundan əvvəllər törətdikləri müxtəlif cinayət əməllərinə görə məhkumluq həyatı yaşayıblar.
- Bu marşrutda kondisionerlər nə vaxt tam işə düşəcək?
- Anar İsrafilov da TƏBİB-dən getdi
- Dənizdə neft qalıqları aşkarlandı: FHN hərəkətə keçdi - Video
- Sıfır bal ən çox hansı fənlərdən toplanıb?
- “Dr. Gülü” daha bir pasiyenti yarıcan qoyub? - Video
- Bu istiqamətdə yeni marşrut açılır: Gedişhaqqı 1,30 manat...
- Məzunları imtahanda ən yüksək nəticə göstərən ali məktəblər
- Bu istiqamətdə marşrut fəaliyyətə başlayır