Martın 22-də terror aktı nəticəsində yandırılan “Krokus Siti Holl” Rusiyada ən böyük mərkəzlərindən biri olan “Krokus Siti”yə daxildir.

BUTA.TV xəbər verir ki, “Krokus Siti”nin əsası azərbaycanlı iş adamı Araz Ağalarova məxsus “Krokus Qrup” tərəfindən 2000-ci ildə qoyulub. “Krokus Siti” Moskva vilayətinin Volokolamsk şoşşesi ilə Moskva Dairəvi Avtomobil Yolunun kəsişməsində yerləşən 90 hektar əraziyə malik bataqlıq sahəsinin qurudulması nəticəsində inşa edilib.

2001-ci ildə burada Rusiyanın ilk hipermarketi olan “Tvoy dom”un əsası qoyulub. 2002-ci ildə Moskvadan kənarda ilk lüks ticarət mərkəzi "Krokus Siti Moll", 2004-cü ildə Avropanın ən böyük sərgi mərkəzi olan “Krokus Ekspo”, 2009-cu ildə Rusiyanın ən böyük konsert zalı olan “Krokus Siti Holl”, 2013-cü ildə isə “VEQAS Krokus Siti” ticarət-əyləncə mərkəzi açılıb.

Kompleksin ərazisində Moskva metropoliteninin “Myakinino” stansiyası da var.

“Krokus Siti”yə “Shore House” restoran-yaxt klubu, “Boxcity” pop-up marketi, “Akvarium” oteli, “Krokus Siti Okeanarium”, “Krokus Fitness Studio”, “Veqas Siti Holl” konsert zalı da daxildir.

Qeyd edək ki, terror aktının baş verdiyi “Krokus Siti Holl” konsert zalı dahi azərbaycanlı müğənni Müslüm Maqomayevin adını daşıyırdı. Yanğın zamanı M.Maqomayevin orada yerləşən muzeyi də yanmışdı.

• Dəqiqədə 700 min dollardan çox qazanıblar…
• Xəstəxananın damında “Əzrail” peyda oldu - Foto
• Sabah Bakının bu rayonunda qaz olmayacaq
• Azərbaycanın notasından sonra - Gürcüstan XİN-dən açıqlama
• Uşaqlar üçün internetdə yeni dövr başlayır
• Dənizdə batan qardaşlardan biri Azərbaycan çempionu imiş
• Poverbankla bağlı xəbərdarlıq: Bu hallarda təhlükəlidir - Video
• “Qarabağ” Bakıya məğlub qayıdır - Video-Yenilənib