Afət Bakıya gəlib, lap gözəl. Kim dedi ki, onu saxlayacaqlar? Gəldiyi kimi də gələr, məhkəmədə söylədiyi təhqir və böhtanlara cavab verər.
Bu sözləri Kult.az-a xalq artisti Flora Kərimova müğənni Afət Fərmanqızının Bakıya dönməsi ilə bağlı xəbərə münasibət bildirərkən deyib.
Onun sözlərinə görə, Afət iddia etdiyi kimi həbs olunmaq üçün deyil, məhkəmədə iştirak etmək üçün axtarışa verilib:
“Afət Fərmanqızı həbs olunmaq üçün axtarışda deyildi. Məhkəmə zalına məcburi gətirlməsi üçün qərardad çıxarılıb. Sual Binəqədi Polis İdarəsinə olmalıdır ki, iki ildir axtardığınız şəxs Bakıdadır. Nərimanov Rayon Məhkəməsi onun 70-dən çox təhqir və böhtanını təsdiqləyib, cərimə də olunub. Apellyasiya Məhkəməsi də Afətin vəsatətini qəbul etmədi. Binəqədi Rayon Məhkəməsində xüsusi ittiham qaydasında proses gedir. Məcburi iştirakı təmin edilməlidir, gətirilsin, söylədiyi nalayiq, təhqir və böhtanlarının məhkəmədə izahatını versin”.
Qeyd edək ki, Afət Fərmanqızı axtarışda olmağına baxmayaraq, Bakıya qayıtdığı haqda video yayıb.
- Bu xəbərlərə də göz at
- İsmayıllı-Lahıc yolunda hərəkət bərpa olundu
- Ərdəbildə seçkilərə görə iki nəfər həbs edildi
- Yeni qayda: Su şəbəkəsinə qoşulmaq üçün...
- MSK seçki prosesinə start verəcək
- Naxçıvan Ali Məclisi buraxıldı
- ABŞ-dan Bakı və İrəvana: Buna hazırıq!