Sabiq səhiyyə naziri, Haqq Ədalət Partiyasının (HƏP) sədri Əli İnsanov məhkəməyə müraciət edib.
Axa.az APA-ya istinadən xəbər verir ki, sabiq nazir məhkumluğunun üzərindən götürülməsi ilə bağlı məhkəməyə ərizə verib.
Yaxın günlərdə onun müraciətinə baxılacaq.
Qeyd edək ki, Əli İnsanov 2005-ci il oktyabrın 20-də Milli Məclisə seçkilər ərəfəsində hakimiyyəti zorla ələ keçirmə və kütləvi iğtişaşların təşkilinə hazırlıq kimi ittihamlarla həbs edilib, sonradan ona qarşı vəzifə və iqtisadi cinayətlər törətməsi ittihamları da irəli sürülüb. Məhkəmə tərəfindən Əli İnsanov 11 il müddətinə azadlıqdan məhrum edilib.
Azadlığa çıxmağına az qalmış Əli İnsanov barəsində narkotik vasitələrin dövriyyəsi, cəzaçəkmə müəssisəsində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması maddəsi ilə yeni ittiham irəli sürülüb.
2016-cı ildə yeni ittihamlarla həbs müddəti 7 il 5 gün artırılıb.
Prezident İlham Əliyev tərəfindən 2019-cu ilin mart ayında imzalanan əfv sərəncamı ilə Əli İnsanov azadlığa buraxılıb.
- Prezidentlər mətbuata bəyanatlarla çıxış edir
- Moskva-Bakı münasibətlərini pozan “xarici qüvvələr”...
- Rusiyadan dəhliz açıqlaması: Bakının da maraqlarına uyğundur
- Prezident tapşırığı: Müşavirə keçirildi
- Ərsin Tatara Fəxri Doktor Diplomu təqdim edilir
- Cənubi Qafqazda yeni dövr - Kreml çarəsizdir
- Rusiyadan Bakıya çağırış
- ABŞ-ın Azərbaycan və Ermənistana planı...