Sovet dövrünün tək-tük yaxşı ənənəsi varsa, onlardan biri də valideynlə övlad arasında pərdənin olması idi. Daha dəqiq desək, xüsusi ilə atanın bir zəhmi, baxışı, ağır nəfəsi idi ki, dəyişən zaman dəyərlərində bu məsələ də yoxa çıxmaqdadır.

Təəssüf ki, müasir dövrün ataları get-gedə cılızlaşır, özü ağılda uşaqlarına qoşulub o düşüklük qalmır ki, etməsinlər.

Məsələn, ata da övladı ilə Tiktok videosumu çəkər? Bu, mənasızlığın, pərdəsizliyin hansı həddidir? Övladın başı çatmır, ağsaqqal ataya nə olub? Oğlu ilə mənasız Tiktok videosu çəkən atanın verdiyi tərbiyə nə olacaq?

Görünür, o ən yaxşı atalar, elə övladını bir dövrdən - həddi-büluğdan sonra öpüb-əzizləməyən atalar idi.

Əslində, doğru olan da budur ki, övladın əzizlənəsi yaşı müəyyən olunmalıdır. Məsələn, müasir dövrdə görürsən ki, ata özündən boyca böyük, bığlı-saqqallı oğlunu öpür, qucaqlayır. Belə də iş olar? Ayıb deyilmi?

Qız övladını haradasa başa düşülən, qəbul ediləndir. O, həyatın bütün dövrlərində öpüb-əzizlənə bilər.

Bəs oğlan? Həddi-büluğa çatmış oğlanı da öpüb-qucaqlayarlarmı? Gərək, analar da belə etməsin. Bu, oğlanı şitəndirmək, ərköyünləşdirmək, hormonlarına qədər müdaxilə etməkdir.

Üstəlik, uşaqkən də hər şeyi qədərində etmək lazımdır. Gözünü açandan öpüşlə, qucaqla, gül-çiçəklə böyüyən oğuldan nə kişi olacaq?!

Əlbəttə, dəyişən dəyərlərdə belə məsələlər “sevgi göstərişi” adı ilə də tanınır, fəqət, qətiyyən belə deyildir.

• Gültəkin Hacıbəyli Türkiyədə saxlanıldı: deport edilir
• Azərbaycan Qahirədə mühüm iclasda təmsil olunacaq
• 14 yüksək rütbəli zabitimizin şəhid olmasından 4 il ötür
• Əli Kərimlinin evindən Ramiz Mehdiyevin məktubu tapıldı
• Əli Kərimli DTX-ya aparıldı
• Rəsul Quliyevin gəncliyi: anası və xanımı ilə birgə - Fotosu
• Deputatlara biznes qadağandır, amma bu deputatın adı təkcə 2025-ci ildə 103 milyon manatla hallanır…
• Xəzər Boru Kəməri Konsorsiumunun infrastrukturu zədələndi