Oyunu iki hissəyə bölərdim. Birinci yarıda yaxşı mübarizə apardıq. Təəssüflər olsun ki, qırmızı vərəqə aldıqdan sonra matçın taleyi dəyişdi. Lakin futbolçularım sonadək mübarizə apardılar. İki qolu da hava toplarından buraxdıq. Bunun üzərində işləməliyik.

BUTA.TV xəbər verir ki, bu sözləri “Zirə” komandasının baş məşqçisi Rəşad Sadıqov UEFA Avropa Liqasının I təsnifat mərhələsinin cavab qarşılaşması çərçivəsində doğma meydanda “Şerif”ə penaltilər seriyasında (4:5) məğlub olduqları oyundan sonra təşkil olunan mətbuat konfransında deyib.

O, hakimlərin idarəçiliyindən narazı qaldığını bildirib:

“Bu barədə çox danışmaq istəmirəm. Hər kəs hakimin qərarlarını gördü”.

Mütəxəssis qırmızı vərəqə alan Salifu Sumanın cəzalandırılacağını söyləyib:

“Həmin epizoda baxacağıq. Əgər lazımsız yerə qırmızı vərəqə görübsə, cəzasını alacaq”.

Qeyd edək ki, “Zirə” mübarizəsinə UEFA Avropa Konfrans Liqasında davam edəcək.

• Rusiya hərbi gəmisini gələn həftə Bakıya göndərir - Səbəb
• Quru sərhədlərin açılması barədə vacib açıqlama
• Bu yolun Azərbaycana verilməsi düzgün qərardır - Nikol
• Azərbaycan Zəngəzur vasitəsilə silah daşıyacaq? - Paşinyan
• Trampın Almaniya ilə Ermənistanı səhv salması...
• Qarabağla bağlı təxribatçı düzəliş qəbul olundu - Foto
• İrəvanda təşviş: bu sahələr Azərbaycanın nəzarətinə keçəcək
• Bakıdan Kiyevə daha bir jest: Bu kvotalar artırıldı