Tanınmış futbol insayderi Fabritsio Romano “Qarabağ”ın UEFA Avropa Liqasının əsas mərhələsində İngiltərədə “Tottenhem”lə ilk tur oyunundan öncə üzləşdiyi tıxac problemi ilə bağlı paylaşım edib.
BUTA.TV Unikal.az-a istinadən xəbər verir ki, italiyalı jurnalist Ağdam təmsilçisinin baş məşqçisi Qurban Qurbanovun matçdan sonra keçirilmiş mətbuat konfransında həmin hadisə barədə səsləndirdiyi fikirləri öz Feysbuk səhifəsində paylaşıb.
İki saat yarımdan çox tıxacda qaldıqlarını bildirən Qurbanov bunun komandaya mənfi təsir göstərdiyini vurğulayıb:
“Bunu bəhanə gətirə bilmərəm. Amma belə olmamalı idi. Bizi müşayiət edən polis yox idi. Bu, futbolçularımızın çıxışına böyük təsir göstərdi. Buna baxmayaraq, rəqibimizin gücünü də qeyd etmək lazımdır. Etiraf edirik ki, “Tottenhem” yaxşı komandadır. Ancaq stadiona çatan kimi bizə dedilər ki, 40 dəqiqə sonra oynamalıyıq. Kifayət qədər hazır deyildik. Belə şeylər baş verməməlidir”.
Xatırladaq ki, Londondakı tıxaca görə Ağdam klubunu "Tottenhem Hotspur" stadionuna aparan avtobus gecikib. Bu səbəbdən Bakı vaxtı ilə saat 23:00-da başlamalı olan görüş UEFA nümayəndələrinin qərari ilə 35 dəqiqə gec start götürüb. Qarşılaşma “Qarabağ”ın 0:3 hesablı məğlubiyyəti ilə başa çatıb.
- Heyvan idxalı ilə bağlı yeni qayda: Ət bahalaşacaq? - Video
- Ronaldo dünya çempionu ola bilmədi - Yenilənib
- Autizmli uşağa liftdə zorakılıq edən şəxs - Saxlanıldı
- 50 yaşlı kişi 14 yaşlı qonşusunu otlağa görə armaturla döydü - Yenilənib
- Qətər təyyarəsi məcburi Bakıya eniş etdi
- Məhərrəm ayı nə vaxt başa çatır?
- Dənizdə ata və 3 uşağı batdı - Özü ilə qızı xilas olundu
- Həmin gün diplomlarını almışdılar - Fatimədən sonra Nani də öldü