Təbriz şəhərində hazırda uzun müddətli elektrik kəsintiləri ilə yanaşı ciddi yanacaq çatışmazlığının da yaşanması əhalinin etirazlarına səbəb olub.
BUTA.TV xəbər verir ki, bu barədə yerli media məlumat yayıb.
Bildirilib ki, Təbriz Neftayırma Zavodu əyalətin yanacaq tələbatını qarşılamaq gücündə olmadığı üçün şəhərdə bir çox yanacaqdoldurma məntəqəsi fəaliyyətini dayandırıb.
Şərqi Azərbaycan əyalətinin Milli Neft Məhsullarının Paylama Şirkətinin direktoru Nasir Raşidi faktı təsdiqləyib.
“Zavodun istehsal etdiyi benzin əyalətin gündəlik ehtiyaclarını təmin etməyə qadir deyil. Hazırda Şərqi Azərbaycanda gündəlik 1.5, 2 milyon litr arası benzin çatışmazlığı yaşanır”, - Raşidi bildirib.
O, hökumətin İsfahandan Şərqi Azərbaycana yanacaq tədarükü barədə göstəriş verdiyini, ancaq yanacaq tankerlərinin çatışmazlığı səbəbindən bunun baş tutmadığını söyləyib.
Mütəxəssislər və siyasi fəalların fikrincə, İranın fərqli bölgələrində qeyri-bərabər inkişaf və fərqli bölgələr üçün düzgün planlaşdırmanın aparılmaması, həmçinin bəzi bölgələrdə enerji sektoruna kifayət qədər investisiya qoyulmaması bu cür problemlərin əsas səbəblərindən biridir.
- Sürətli bir şəkildə hərəkətə keçmək üçün... - Bayramov
- Daşkəsənin hərbi komissarı barədə qərar - Rəsmi
- Netanyahudan İrana: Əgər bizə hücum etsəniz...
- Səfərbərlik Xidmətinin sabiq rəisi həbs olundu
- Zelenski ilə Tramp arasında görüş keçirilir
- Netanyahu çıxış edərkən zalı tərk etdilər
- Sülhə həmişəkindən daha yaxınıq - PA rəsmisi
- Üç ABŞ hərbi gəmisinə 23 raket zərbəsi endirildi