20 yaşlı arvadını və 8 aylıq körpəsini amansızlıqla öldürməkdə ittiham olunan Fərid Hüseynlinin cinayət işi üzrə məhkəmə araşdırması başa çatıb.

“BUTA.TV”nun məlumatına görə, Sumqayıt Ağır Cinayətlər Məhkəməsində keçirilən sonuncu iclasda hökm oxunub. Nurəddin Hüseynlinin sədrlik etdiyi məhkəmə heyəti təqsirləndirilən şəxsə heç bir endirim etmədən, ömürlük məhkum edilməsinə hökm edib.

F.Hüseynli qalan ömrünü həbsxanada keçirəcək.

Qeyd edək ki, dəhşətli cinayət hadisəsi ötən ilin iyununda Abşeron rayonunun Qobu qəsəbəsində qeydə alınıb.

İttihama görə, 30 yaşlı Fərid Hüseynli yaşadıqları evdə əvvəlcə 20 yaşlı arvadı Leylanı, sonra isə 8 aylıq körpəsi Aylanı bıçaqlayaraq öldürüb. O, özünü də öldürmək istəyib, amma həyatını xilas etmək mümkün olub.

Leyla Bakı Dövlət Universitetinin üçüncü kurs tələbəsi olub. O, biologiya müəllimliyi ixtisası üzrə təhsil alırdı.

Bu işin məhkəmə istintaqı qapalı keçirildiyi üçün cinayətin səbəbləri bilinmir.

Sail Ağasəlim

• Vardanyanın məhkəməsi: onların ifadələri dinlənildi
• 30 təşkilat azərbaycanlı məhbuslara görə bəyanat yaydı
• Azərbaycan-Gürcüstan birgə şirkəti bu tenderdən kənarlaşdırıldı
• MM-də kritik sual: ABŞ Azərbaycan qazının satılmasının qarşısını alıb?
• Qazaxıstan AZAL təyyarəsi ilə bağlı daha bir açıqlama yaydı
• Hansı “yerli istehsal” üçün vergini artırırlar?
• Şok qərar: Bakıdakı maşın bazarı Ağdama köçürüləcək
• “Real danışsaq, Azərbaycan klubu Çempionlar Liqası kimi böyük turnirdə oynamamalıdır” - Qurban Qurbanov