Azərbaycanın müdafiə naziri general-polkovnik Zakir Həsənov Mərakeş Krallığının Hökumət Başçısı yanında Milli Müdafiə Administrasiyası üzrə səlahiyyətli naziri Abdellatif Ludiyinin dəvəti ilə Mərakeşdə işgüzar səfərdədir.

Müdafiə Nazirliyindən BUTA.TV-a bildirilib ki, səfər çərçivəsində general-polkovnik Z.Həsənov mərakeşli həmkarı ilə görüşüb.

Azərbaycan Respublikasının müdafiə naziri "Mərakeş Aviaşou 2024" sərgisinə dəvətə görə həmkarına təşəkkür edib.

Görüşdə Azərbaycan ilə Mərakeş arasında hərbi, hərbi-texniki əlaqələrin inkişaf perspektivləri müzakirə edilib, həmçinin qarşılıqlı maraq doğuran digər məsələlər ətrafında geniş fikir mübadiləsi aparılıb.

Görüşün sonunda Azərbaycan Hökuməti adından müdafiə naziri mərakeşli həmkarı ilə "Azərbaycan Respublikası Hökuməti və Mərakeş Krallığı Hökuməti arasında müdafiə sahəsində hərbi əməkdaşlıq haqqında Saziş"ini imzalayıb.

• Sabahın hava proqnozu açıqlandı
• Azərbaycanda doğum kəskin azaldı - Demoqrafik fəlakət?
• 64 yaşlı kişi Həkəridə batdı
• “AzerGold” heyəti Şəhidlər xiyabanını ziyarət etdi
• Balacanın dama çıxıb etdiyi hərəkət gündəm oldu - Video
• Bu rayonlara yağış yağdı, ildırım çaxdı - Faktiki hava
• II və III qruplar üzrə qəbul imtahanı keçirilir
• Naxçıvan reysində gecikmələr var - AZAL