Suriya Prezidenti Bəşər Əsədin ölkəni tərk etmək planlarını gizli saxladığı və qaçmazdan əvvəl rəsmiləri Rusiyanın yardım edəcəyinə əmin etdiyi iddia olunur.
“BUTA.TV” xəbər verir ki, bu barədə “Reuters” mənbələrə istinadən məlumat yayıb.
“Moskvaya qaçmasına bir neçə saat qalmış Əsəd şənbə günü Müdafiə Nazirliyində 30-a yaxın hərbi və təhlükəsizlik rəisləri ilə görüşdə Rusiyanın hərbi dəstəyinin yolda olduğuna inandırıb və quru qoşunlarını müqavimətə çağırıb”, - deyə agentlik qeyd edib.
Bildirilir ki, o, qaçış planlarını uzun müddət gizlədib, hətta elit 4-cü zirehli diviziyanın komandiri kiçik qardaşı Maher Əsədə belə məlumat verməyib.
Əsədin köməkçisinin sözlərinə görə, o, şənbə günü prezident aparatının rəhbərinə işini bitirdikdən sonra evə getdiyini deyib, lakin hava limanına gedib.
Onun sözlərinə görə, Əsəd həmçinin media üzrə müşaviri Buthaina Şaabana zəng edib və ondan çıxış yazmaq üçün evinə gəlməsini istəyib. Müşavir isə evə gəldikdə heç kimin olmadığını görüb.
Üç keçmiş yaxın köməkçisi və yüksək rütbəli regional məmur Əsədin yaxın ailəsi, həyat yoldaşı Əsma və üç uşağının onu Moskvada gözlədiyini bildirib.
Məlumata görə, Əsəd evindən tələsik çıxıb. Onun evindən çəkilmiş videolarda ailə albomları, sobada qalan bişmiş yeməklər əksini tapıb.
- Prezident Olivye Le Peşi qəbul etdi
- İlham Əliyev Pakistanın energetika nazirini qəbul etdi
- Şuşa Realnı Məktəbinin binasının fəaliyyətə başlayacağı tarix...
- İTV-nin jurnalisti bu rəqsinə görə işdən çıxarılıb? - Video
- Prezidentdən “Bakı Enerji Həftəsi”nin iştirakçılarına müraciət
- İlham Əliyev türkiyəli naziri qəbul etdi
- Ukrayna Rusiyanı daxildən vurdu və sübut etdi ki... - Ekspert
- İlham Əliyev Bakı Ekspo Mərkəzində...