ABŞ-ın Pakistanın ballistik raket proqramına qarşı iqtisadi sanksiyalar tətbiqi ədalətsizdir. Pakistan bu sanksiyaları əsassız və qərəzli adlandırıb.

BUTA.TV xəbər verir ki, bu barədə politoloq Elxan Şahinoğlu deyib.

“Pakistan nüvə dövlətidir. Vaşinqton bu hesabla ballistik raket proqramı olan bütün ölkələrə qarşı sanksiya tətbiq etməlidir. Aydındır ki, ABŞ ballistik raket proqramı olan müttəfiqlərinə qarşı eyni siyasəti həyata keçirməz. Vaşinqton Pakistanı Çinin müttəfiqi olduğuna görə cəzalandırmaq istəyir. Soyuq müharibə illərində ABŞ-ın Pakistana ehtiyacı var idi. Vaşinqton Əfqanıstandakı SSRİ qoşunlarının problemlərini artırmaq üçün İslamabadla sıx əməkdaşlıq edir, əfqan mücahidləri Pakistan ərazisində silahlandırırdı. SSRİ qoşunlarını Əfqanıstandan çıxardıqdan sonra ABŞ-ın Pakistana ehtiyacı qalmadı və İslamabada münasibəti dəyişdi. ABŞ üstünlüyü Hindistanla əməkdaşlığa verdi. Ancaq Pakistanın bölgədə rolu azalmayıb və müxtəlif regional layihələrdə əsas iştirakçılardan biridir”.

• İlham Əliyev Pakistanın energetika nazirini qəbul etdi
• Şuşa Realnı Məktəbinin binasının fəaliyyətə başlayacağı tarix...
• İTV-nin jurnalisti bu rəqsinə görə işdən çıxarılıb? - Video
• Prezidentdən “Bakı Enerji Həftəsi”nin iştirakçılarına müraciət
• İlham Əliyev türkiyəli naziri qəbul etdi
• Ukrayna Rusiyanı daxildən vurdu və sübut etdi ki... - Ekspert
• İlham Əliyev Bakı Ekspo Mərkəzində...
• Fransa Azərbaycanın sərhədində konfrans keçirir