Çeçenistan lideri Ramzan Kadırov dekabrın 26-da Təhlükəsizlik Şurasının katibi vəzifəsini daşıyan qardaşı oğlu Həmzət Kadırovu “Çeçenistan Respublikası qarşısında xidmətlərinə görə” medalı ilə təltif edib.

BUTA.TV Publika.az-a xəbər verir ki, Xamzat Kadırov dekabrın 25-də Çeçenistan səmasında Ukrayna PUA-larının vurulduğunu açıqlamışdı.

Onun təltif edilməsi Ukrayna PUA-larının vurulmasına görədir.

AZAL-ın təyyarəsi də məhz Çeçenistandakı hava hücumundan müdafiə sistemləri tərəfindən vurulub. Artıq bununla bağlı faktlar hökumətdəki mənbələr tərəfindən də təsdiq edilib və Azərbaycan Rusiyanın üzr istəməsini, cinayətkarların cəzalandırılmasını gözləyir.

Qeyd edək ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında Rusiya HHM sistemləri tərəfindən vurulub və ciddi zədə alıb. Enişinə icazə verilmədiyindən Aktauya istiqamət götürən təyyarə Aktau hava limanı yaxınlığında qəzaya uğrayıb. Qəza nəticəsində göyərtədə olan 67 nəfərdən 38-i həlak olub, 29 nəfər sağ qalıb.

• Putin "sürpriz" hazırlayır: Bu ölkələrə hücum ola bilər - General
• Ukrayna daha müharibə xərclərini qarşılaya bilmir
• Rusiyanın hazırkı strateji məqsədi budur, lakin... - BBC
• İsmayıllıda maşın aşıb yandı - Sürücü yaralandı, həyat yoldaşı öldü - Video
• Ukrayna buna razı olsa, sülh sazişi hazırdır - Kuşner
• Husilər Səudiyyəyə hücum etdi: yaralılar var
• Bolqarıstanda hərbi zavoddakı partlayışın səbəbi nədir?
• Fidan və Arakçı Səudiyyəyə hücumdan danışdı