Qazaxıstan hökumətinin açıqladığı ilkin hesabatla gerçəklərin üzə çıxdığını deyə bilərik. Yəni burada pilotların hansısa bir qəbahətinin olmadığı, onların cəsur və fədakar şəkildə davrandığı həqiqətini bir daha gördük. Digər tərəfdən, Braziliya şirkəti olan istehsalçı “Embraer”in də iştirak etdiyi ilkin istintaq çərçivəsində təyyarədə hər hansı nasazlığın olmadığı, mühərriklərin sona qədər çalışdığı təsdiqləndi.
Bu sözləri BUTA.TV-a aviasiya məsələləri üzrə türkiyəli mütəxəssis Musa Alıoğlu AZAL-a məxsus təyyarə qəzasının səbəbləri ilə bağlı dərc edilən ilkin hesabatı şərh edərkən deyib.
O, Beynəlxalq Çikaqo Konvensiyasına uyğun olaraq aparılan istintaqın Azərbaycan tərəfini haqlı çıxardığını vurğulayıb:
“Yəni bu təyyarənin xarici hücuma, HHM-lərin zərbəsinə məruz qaldığı gerçəyi bir növ sübut olundu. Hesabatda təyyarənin kənar müdaxilə nəticəsində qəzaya uğradığı faktlarla açıqladı: Qəza hücum nəticəsində meydana gəlib və məhz pilotların səyi ilə daha dəhşətli faciənin qarşısı alınıb, yəni qəzadan sağ çıxanlar olub. Onların cəsarətli səyinin tarixə keçdiyini vurğulamaq mütləqdir. Bu qəza isə dünya mülki aviasiya tarixində çox pis, xoş olmayan iz buraxdı”.
İrəvan toqquşma hazırlayır: Bu, artıq Bakı ilə deyil, Rusiya girəcək!
Ekspertin sözlərinə görə, Rusiya tərəfinin bu mövzuda lazımi addımları atmaması, yanlışını etiraf etməməsi, mülki təyyarəni vurmasının məsuliyyətini Ukraynanın üzərinə atmaq cəhdi və s. Çikaqo Konvensiyasına görə də suçdur:
"Burada Rusiya hökuməti həm ölənlərin yaxınlarına, həm təyyarəyə dəymiş ziyana görə Azərbaycan tərəfinə təzminat, kompensasiya ödəməlidir. Çünki hava sahəsini doğru şəkildə idarə edə bilməyən Rusiya hökuməti qəbahətli və günahkardır”.
Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi 2024-cü il dekabrın 25-də Qroznıda Rusiya HHM sistemi vasitəsilə vurulub. Enişinə icazə verilmədiyindən Qazaxıstana üz tutan təyyarə Aktau hava limanı yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb.
Qəza ilə bağlı ilkin hesabat dünən yayılıb.
- Qüdsdə bayram tədbirində erməni keşişlərin əxlaqsızlığı - Foto
- Azərbaycanda 273 ukraynalı uşaq reabilitasiyadan keçdi
- İrəvan niyə Minsk qrupunu saxlamaqda israr edir? - Bayramov
- Bayramov Çavuşoğlunun atasının vəfatına görə Türkiyədə - Foto
- ABŞ elan etdi: seçki, insan haqları “tələbi” bitdi
- İrəvan toqquşma hazırlayır: Bu, artıq Bakı ilə deyil, Rusiya girəcək!
- Mövqelərimiz atəşə tutuldu: Ordumuz adekvat cavab verdi
- AB Türkiyəni “türk əli” ilə vurdu - Ərdoğan özü razılıq verib?