Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, həmçinin terrorçuluq, terrorçuluğu maliyyələşdirməyə dair maddələri ilə və digər ağır cinayətlərdə təqsirləndirilən Ermənistan vətəndaşı Ruben Vardanyanın barəsində cinayət işi üzrə məhkəmə prosesinin baxış iclasında şahid ifadə verib.
BUTA.TV xəbər verir ki, şahid qismində ifadə verən Qarabağda yaşayan erməniəsilli şəxs 44 günlük müharibədən bir müddət sonra Ruben Vardanyanın Xankəndiyə gəldiyini bildirib.
“Bilmirəm Rusiyadan gəlmişdi, ya başqa yerdən”, - o əlavə edib.
O, R.Vardanyanın sponsorluq edərək Azərbaycana qarşı vuruşmaq üçün yaşı 45-50-dək olan insanlardan ibarət dəstələr yaratdığını, onları maliyyələşdirdiyini bildirib.
“Çox sayda cavan insan gedib o qruplaşmalara yazılmışdı. Mənim üçün maraqlı o idi ki, dünyada tanınmış biznesmen, oliqarx Ruben Vardanyan, – mən demirəm ki, o, mənim düşmənimdir, yox, – nəyə görə öz biznesini qoyub Qarabağa gəlmişdi?”
Şahid insanların 700-2000 dollar müqabilində dəstəyə qoşularaq hərbi təlimlərə cəlb olunduğunu deyib.
Daha sonra şahidin DTX-də ibtidai istintaq zamanı verdiyi ifadə elan olunub. Şahid ibtidai istintaqda verdiyi ifadəsini təsdiqləyib.
Məhkəmə prosesi fasilədən sonra davam etdiriləcək.
- Qordon: Putinlə görüşdə Əliyevə baxın - Foto
- Bakı Trampın Qəzza planında iştirak edə bilər?
- Qardaş ölkə yenə itki verdi - Döyüşün səbəbi nədir?
- Putin niyə yalnız Azərbaycan haqda bunu dedi?
- Tramp və Zelenski anlaşdı: Rusiyanı "sürpriz" zərbələr gözləyir
- Azərbaycan Qəzza sammitinə dəvət aldı
- Bu rayonun kəndlərində elektrik olmayacaq
- Yaşar Gülər Kərim Vəliyevlə birgə təlimi izlədi - Video