Azərbaycanın xarici işlər naziri Ceyhun Bayramov ilə Türkiyənin xarici işlər naziri Hakan Fidan arasında telefon danışığı aparılıb.
Bu barədə BUTA.TV-a Azərbaycan Xarici İşlər Nazirliyindən məlumat verilib.
Bildirilib ki, Türkiyə xarici işlər naziri Azərbaycan-Ermənistan liderlərinin Vaşinqton görüşü zamanı əldə edilmiş tarixi nailiyyətlər münasibətilə ölkəni səmimi qəlbdən təbrik edib.
Nazirlər əldə edilmiş razılaşmaların, Azərbaycan və Ermənistan liderləri tərəfindən, habelə şahid qismində ABŞ Prezidenti tərəfindən imzalanmış Birgə Bəyannamənin bölgədə sülh və sabitliyin təmin olunması üçün mühüm əhəmiyyət kəsb etdiyini vurğulayıblar.
Sülh sazişinin paraflanmasının, habelə ATƏT-in Minsk Prosesi və aidiyyəti strukturların ləğvinə birgə çağırışın sülhə mühüm töhfə olduğu qeyd edilib. Nazirlər bu strukturların ləğvi barədə ATƏT qərarının tezliklə qəbul ediləcəyini gözlədiklərini bildiriblər.
Telefon danışığı zamanı həmçinin Azərbaycan-Türkiyə müttəfiqlik münasibətlərindən irəli gələn məsələlər, regional və beynəlxalq təşkilatlar çərçivəsində əməkdaşlıq müzakirə olunub.
- “Azəriqaz” İB yanında İctimai Şuranın Fəaliyyət Planı təsdiqləndi
- MEK-in 100 illik fəaliyyətinə həsr olunmuş yeni monoqrafiya nəşr edildi
- Hövsanda yeni ictimai çimərlik istifadəyə verildi
- "Sovetski" sakininin evi qanunsuz sökülüb? - Açıqlama
- Telefon qadağası müəllimlərə də şamil edilməlidir - Ekspert
- Peskov: Rusiya xaricdən yanacaq alacaq
- İslahatlar sosial müdafiə xidmətlərini daha əlçatan edib
- “Çoxsaylı insan tələfatı və dağıntılar barədə xəbər bizi son dərəcə sarsıtdı”