Pakistan ABŞ Prezidenti Donald Trampın iştirakı ilə Ağ Evdə keçirilən sammitdə Azərbaycan və Ermənistan arasında imzalanmış tarixi sülh sazişini alqışlayır.
BUTA.TV xəbər verir ki, bunu Pakistanın Baş naziri Şahbaz Şərif X sosial şəbəkəsindəki hesabında yazıb.
Qeyd olunur ki, bu hadisə onilliklər boyu münaqişələr və insan əzabları yaşamış regionda - Cənubi Qafqazda yeni sülh, sabitlik və əməkdaşlıq erasının başlanğıcıdır.
"Biz Prezident İlham Əliyevi və Azərbaycan xalqını öz regionunun sülhsevər gələcək kursunun müəyyən olunmasında müdrikliyi və uzaqgörənliyi əks etdirən bu tarixi saziş münasibətilə təbrik edirik. Pakistan hər zaman qardaş Azərbaycan xalqının yanında olub və tarixinin bu şərəfli məqamında biz də onun yanındayıq.
Biz həmçinin ABŞ prezident Donald Trampın rəhbərliyi altında hər iki tərəfə ticarət, əlaqə və regional inteqrasiya üçün yeni imkanlar açan razılaşma əldə etməyə imkan verən vasitəçilik rolunu yüksək qiymətləndiririk. Ümid edirik ki, bu dialoq ruhu uzanan münaqişələrlə üzləşən digər regionlar üçün nümunə olacaq”, - Şahbaz Şərif vurğulayıb.
- “Azəriqaz” İB yanında İctimai Şuranın Fəaliyyət Planı təsdiqləndi
- MEK-in 100 illik fəaliyyətinə həsr olunmuş yeni monoqrafiya nəşr edildi
- Hövsanda yeni ictimai çimərlik istifadəyə verildi
- "Sovetski" sakininin evi qanunsuz sökülüb? - Açıqlama
- Telefon qadağası müəllimlərə də şamil edilməlidir - Ekspert
- Peskov: Rusiya xaricdən yanacaq alacaq
- İslahatlar sosial müdafiə xidmətlərini daha əlçatan edib
- “Çoxsaylı insan tələfatı və dağıntılar barədə xəbər bizi son dərəcə sarsıtdı”