Bu gün İran hökumətinin sözçüsü Fatimə Mühacirani mətbuat konfransında Vaşinqtonda Azərbaycan, Ermənistan və ABŞ arasında imzalanmış Zəngəzur dəhlizi (Tramp yolu) ilə bağlı razılaşmaya münasibət bildirib.
BUTA.TV xəbər verir ki, bu barədə "Azad İran" Teleqram kanalı məlumat yayıb.
F.Mühacirani brifinqdə jurnalistlərin qarşısına İran, Azərbaycan və Ermənistan sərhədlərinin əks olunduğu xəritə ilə çıxıb.
Hökumətin sözçüsü jurnalistlərin suallarını cavablandırarkən deyib ki, Zəngəzur dəhlizi kimi tanınan bu bölgə İran-Ermənistan sərhəd xəttinin yalnız kiçik bir hissəsidir.
"İran üçün bölgədə sabitliyin təmin olunması, ölkələrin ərazi bütövlüyünün qorunması və mövcud suverenliklərin pozulmaması əsas prioritetlərdəndir. Xarici aktorların bölgəyə müdaxiləsi bizi narahat edir və bu prosesləri çox yaxından izləyirik", - deyə sözçü vurğulayıb.
Xarici İşlər Nazirliyinin məsələ ilə bağlı diplomatik izahatlar verdiyini açıqlayan Mühacirani qeyd edib:
"Media məsələni elə təqdim edir ki, sanki İran bütün şimal sərhədini itirib. Reallıqda bu bizim üçün ciddi sərhəd itkisi anlamına gəlmir".
- Pakistan qırıcıları Bakı səmasında - Video
- Əliyevin bu bəyanatı tarixi hadisədir, cavabımız olacaq!
- Türkiyə yük maşınları Azərbaycana belə gedəcək
- Artıq 1 il 8 aydır sərhəddə heç bir əsgər həlak olmur
- Pezeşkianın bu sözü Türkiyə mediasında yanlış yozuldu
- Ramiz Mehdiyevin atası da vətənə xəyanət edib?
- Qardaş ölkə İstanbulda sülh sazişi imzalayacaqmı?
- Türkiyə 125 ölkə ilə 350 müqavilə imzaladı - Azərbaycan da var