Ermənistan parlamentində 2026-cı ilin büdcə layihəsi təqdim olunub. Bu, İrəvanın təhlükəsizlik siyasətində köklü dönüşün yarandığını göstərir. Hakimiyyət müdafiə xərclərini artırmağa davam etmək əvəzinə, əhəmiyyətli azalma bəyan edib.
BUTA.TV Teleqraf-a istinadla xəbər verir ki, bu barədə “Armenianreport” məlumat yayıb.
Saytın iddiasına görə, Ermənistan hökuməti Azərbaycan qarşısında silahlarla bağlı öhdəlik götürüb.
“Keçən il Ermənistan hərbi xərclərini artırdı, Fransa və Hindistandan silah almaqla onu yeniləməyə çalışmışdı. Amma avqustun 8-də Vaşinqtonda Azərbaycanla sülh müqaviləsinə dair sənədin imzalanmasından sonra kurs qəfil dəyişib”, - mənbə bildirib.
Həmçinin qeyd edilib ki, bu fonda Ermənistanda Gümrüdəki Rusiyanın 102-ci hərbi bazasının çıxarılması üçün kampaniya aparılır.
“2026-cı ildə müdafiə büdcəsinin azaldılması iqtisadi tədbir deyil, Vaşinqton razılaşmalarının strateji nəticəsidir”, - mənbə əlavə edib.
- KİV: İrəvan Bakı qarşısında silahlarla bağlı öhdəlik götürüb
- Azərbaycan “Qızıl qapı”nı azad etdi - Türk politoloqdan şok
- “Sədərək”də yanğın gecə saatlarında şiddətləndi - Video
- Gürcüstanda ilk dəfə azərbaycanlı qadın leytenant oldu
- Paşinyandan Qarabağla bağlı üç etiraf...
- İrəvanı Moskva asılılığından Bakı xilas edəcək - Sekuta
- Azərbaycan və Suriya arasında görüş: Təhlükəsizlik...
- Müharibə vaxtı Azərbaycanın İsrailə yardım etməsi... - İran