ABŞ Dövlət katibi Marko Rubio Ermənistan və Azərbaycanı davamlı sülh yoluna çıxarmaqda ABŞ Prezidenti Donald Trampın nailiyyətinin əhəmiyyətini vurğulayıb.
BUTA.TV APA-ya istinadən xəbər verir ki, bu barədə Rubionun təşkil etdiyi Transatlantik şam yeməyi ilə bağlı bəyanatında qeyd edilib.
Dövlət katibi sülhün qorunması və rifahın əldə edilməsi üçün transatlantik tərəfdaşlığın əhəmiyyətini, NATO-ya üzv dövlətlərin çəkindirməni gücləndirmək üçün müdafiə xərclərini artırmaqla bağlı tarixi öhdəliyini və Rusiya-Ukrayna müharibəsinə son qoymaq üçün diplomatik əməkdaşlığın davam etdirilməsinin vacibliyini vurğulayıb.
Rubio həmçinin Çinin “bədxassəli təsiri”nə qarşı durmağın vacibliyini qeyd edib.
Yaxın Şərqdə sabitliyə nail olmaq üçün birgə əməkdaşlıq, o cümlədən İranın heç vaxt nüvə silahı inkişaf etdirməməsi və ya əldə etməməsini təmin etmək, Ermənistan və Azərbaycanı davamlı sülh yoluna çıxarmaqda ABŞ Prezidentinin nailiyyətini vurğulayıb.
Dövlət katibi Marko Rubio AB və NATO-ya üzv ölkələrin xarici işlər nazirləri, NATO-nun Baş katibi Mark Rutte, AB-nin ali nümayəndəsi Kaya Kallas və Azərbaycan, Ermənistan, İsveçrə və Ukraynanın xarici işlər nazirləri ilə 2025-ci il Transatlantik şam yeməyinə ev sahibliyi edib.
- Bakının sülhlə bağlı son tələbi... – İrəvandan açıqlama
- Adnan Əhmədzadənin vəkili, görün, kim imiş...
- Bu türk rəsmilərdən Azərbaycan barədə məlumat alıram...
- Adnanla əməkdaşlıq edən Azərbaycan klubları... - Şok faktlar
- Tramp Rusiyanı darmadağın etdi – Moskva “göz yaşına” inanmır
- Zəngəzur dəhlizinin açılması... - Mişel
- Rubio Azərbaycan-Ermənistan sülh prosesindən danışdı
- Prezident və ailəsi Nyu Yorkda - Foto