Bakıda və Abşeron yarımadasında hazırda müşahidə olunan güclü şimal-qərb küləyi gecəyə doğru tədricən zəifləyəcək. Bu gün axşam saatlarında isə yarımadanın bəzi yerlərində qısamüddətli yağış yağacağı ehtimalı var.
BUTA.TV xəbər verir ki, bu barədə Azərtac-a Ekologiya və Təbii Sərvətlər Nazirliyinin Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova məlumat verib.
O həmçinin bildirib ki, sabah gün ərzində Bakıda və Abşeron yarımadasında əsasən yağmursuz hava şəraiti gözlənilir:
“Mülayim cənub şərq küləyi əsəcək, havanın maksimal temperaturu 21-26 dərəcə isti olacaq. İyunun 4-də isə Bakıda və Abşeron yarımadasında hava əsasən yağmursuz keçəcək, mülayim cənub-qərb küləyi əsəcək”.
Gülşad Məmmədova deyib ki, bölgələrdə iyunun 3-ü və 4-ü əksər rayonlarda yağmursuz hava şəraiti müşahidə ediləcək:
“Lakin iyunun 3-ü gecə və səhər, eləcə də 4-ü günorta saatlarında bəzi dağlıq və dağətəyi rayonlarda qısamüddətli yağış yağacağı, şimşək çaxacağı ehtimalı var. Mülayim qərb küləyi əsəcək. Havanın maksimal temperaturu Aran rayonlarında 23-28, dağlıq ərazilərdə 13-18, bəzi yerlərdə isə 20-25 dərəcə isti olacaq”.
- Bu gün üç rayonda işıq olmayacaq
- Prezident sabah böyük maliyyə tutumlu Sərəncam imzalayacaq
- “Bu termində təhqiramiz bir məna axtarmaq lazım deyil” - İlham Əliyev
- “İstisna edilmir ki, gələcəkdə yeni xoşagəlməz hadisələr baş verməsin”
- Bakının bu iki küçəsində hərəkət tam məhdudlaşdırılacaq
- “Sabah” pley-offda! - Video-Yenilənib
- Bakının bu rayonlarında qaz olmayacaq
- Müəllimlərin işə qəbulu üzrə müsabiqənin nəticələri