“Milliyyətcə yezidi kürdü, Ermənistan yezidi Kürd İcmasının rəhbəri Knyaz Həsənov bu ölkənin hakim “Vətəndaş müqaviləsi” partiyasından milli azlıq nümayəndəsi kimi ardıcıl 4-cü dəfə deputat seçilib”.

“BUTA.TV” xəbər verir ki, bu barədə siyasi şərhçi Kənan Rövşənoğlu sosial şəbəkə hesabında paylaşım edib.

Onun sözlərinə görə, 80-dən çox yaşı olan Knyaz Həsənov əvvəllər Azərbaycanın ünvanına hədələr səsləndirməklə yadda qalıb.

“Sən demə bu Knyaz Həsənovun qızı Narin Nadirova Diyarbəkirin “Amedspor” futbol klubunun İdarə Heyətinin üzvü imiş. N.Nadirova da elə-belə adam deyil: Qazaxıstan vətəndaşıdır, maliyyəçidir, “Home Credit Bank”a rəhbərlik edib, nüfuzlu şəxsdir.

Bilməyənlərin nəzərinə onu da çatdırım ki, “Amed” Diyarbəkir sözünə qarşı separatçı kürdlərin ortaya atdığı addır. Bu yaxınlarda Diyarbəkirdən olan keçmiş kürd deputat Altan Tan axırda dilə gəldi ki, əslində “Amed” sözü də kürd sözü deyil, qədim suryani dilindən gəlirmiş. Amma indi Diyarbəkir türk (Ağqoyunlu) adı olduğu üçün separatçı kürdlər onun əvəzinə “Amed” sözünü ortaya atıblar.

Mənə maraqlı gələn ermənistanlı yezidi kürd qadının “Amedspor” komandasının rəhbərliyində yer alması oldu. Bütün dolaşıq işlər həmişə gedir erməni məsələsinə çıxır”, - paylaşımda deyilir.

• Bu gün və sabah geomaqnit qasırğası gözlənilir
• DİN onlayn alış-verişlə bağlı xəbərdarlıq etdi
• Azərbaycanlı tələbə Rusiyada Kadırova görə həbs edildi
• Əməyin təhlükəsizliyi ilə bağlı daha 55 milli standart hazırlanır
• Bəşər Əsəd barəsində qiyabi ölüm hökmü çıxarıldı
• Ana-oğuldan sonra ata da öldü - Toya hazırlaşırdılar... - Foto
• Sabah hava necə olacaq?
• Məşhur şadlıq sarayı 5,5 milyona satışa çıxarıldı