İranın cənub-şərqində yerləşən Kirman əyalətində həddindən artıq isti hava şəraiti səbəbindən dövlət müəssisələri və təhsil ocaqları fəaliyyətini dayandıracaq.

“BUTA.TV” xəbər verir ki, bu barədə IRNA məlumat yayıb.

Bildirilib ki, Kirman rəhbərliyi yüksək temperatur və elektrik şəbəkəsinin sabitliyini qorumaq məqsədilə belə qərar qəbul edib.

Qeyd olunub ki, isti hava dalğasının təsirlərini azaltmaq və enerji təminatında problemlərin qarşısını almaq üçün əyalətdəki bütün dövlət qurumları və təhsil müəssisələri sabah bağlı olacaq.

Qərarın təcili yardım xidmətləri, səhiyyə müəssisələri, xidmət sahələri, hərbi və təhlükəsizlik bölmələrinə, eləcə də, müəyyən edilmiş bank və sığorta filiallarına şamil edilmədiyi qeyd olunub.

İsti və yarımsəhra iqlimi ilə seçilən Kirman əyalətində son illərdə temperaturun rekord həddə yüksəldiyi, uzunmüddətli istilərin isə gündəlik həyata və enerji istehlakına ciddi təsir göstərdiyi bildirilir.

• Dənizdə iki nəfər xilas edildi
• “Demişdi ki, öləndə qəbiristanlığa bir piano gətirim...” - Videomüsahibə
• Rekord istilər qonşu ölkəyə də gəlib çatdı - Dövlət qurumları işi dayandırır
• 28 dəqiqədə milyonlar qazandılar - Fotolar
• Yasamalın bəzi ərazilərində işıq olmayacaq
• Azərbaycan milli mətbuatının yaranmasından 151 il ötür
• Emin: "Sea Brezze"də Devis Kuboku oyunları keçiriləcək
• “Dost Almaniya xalqına...” - İlham Əliyevin xatirə kitabına yazdıqları