Çin və Cənubi Koreyanın bəzi şəhərlərində yay aylarında yüksək temperaturun təsirini azaltmaq üçün yolların, binaların və metroların üzərinə avtomatik su püskürtmə sistemləri, süni yağışlar quraşdırılıb. Mütəmadi olaraq işləyən bu sistemlər asfaltın və binaların səth temperaturunu aşağı salmaqla yanaşı, toz hissəciklərinin də azalmasına kömək edir.

Sözügedən mövzu ilə bağlı ekoloq Qorxmaz İbrahimli BUTA.TV-a açıqlamasında bildirib ki, Cənubi Koreya və Çin yüksək texnologiyalara malik ölkələrdir və ekstremal isti hava şəraitində müxtəlif innovativ sistemlərdən istifadə edə bilərlər.

“Lakin Azərbaycanda bu cür üsulların tətbiqinə ehtiyac yoxdur. Çünki ölkəmizdə su ehtiyatları ilə bağlı müəyyən problemlər mövcuddur və isti havalarda genişmiqyaslı su istifadəsi əlavə yük yarada bilər. Digər tərəfdən, Azərbaycan mülayim subtropik iqlim qurşağında yerləşdiyindən yay aylarında müşahidə olunan istilər adətən ekstremal səviyyəyə çatmır.

Hazırda və yaxın günlər üçün də 40 dərəcədən yuxarı temperatur proqnozlaşdırılmır. Buna görə də Bakı, Gəncə və Sumqayıt kimi iri şəhərlərdə insanları sərinlətmək məqsədilə bu tip sistemlərin tətbiqi zəruri hesab edilmir. Əksinə, mövcud hava şəraiti insanların dəniz sahilində və açıq havada istirahət etməsi üçün əlverişlidir”, - o bildirib.

• Bütün dövrlərin ən güclü qadın şahmatçısına prezident olmağı təklif etdi
• İynə atsan, yerə düşməz - Çempionlar belə qarşılandı - Video
• 6 aydır bu rayonun icra başçısı yoxdur
• Cərimə balları sıfırlandı - Səbəb texniki imiş
• “17 minə müqavilə bağlamışdım, nə özü, nə də əməkdaşları cavab verir” - Video
• Messi ağladı, mən ağladım...
• Bu ərazilərdə iki saat işıq olmayacaq
• ABŞ-da benzin qiymətləri kritik səviyyəni keçdi