Dövlət İmtahan Mərkəzi ali təhsil müəssisələrinin bakalavriat səviyyəsinin jurnalistika ixtisasına qəbul olmaq istəyən abituriyentlər üçün avqustun 4-də keçirilən qabiliyyət imtahanının nəticələrini elan edib.
Bu barədə BUTA.TV-a DİM-dən məlumat verilib.
Bildirilib ki, abituriyentlər DİM-in saytında imtahan nəticələri ilə tanış ola bilərlər. İmtahanda iştirak etmək hüququ qazanmış 827 abituriyentdən 189 nəfəri imtahana gəlməyib. İmtahanda iştirak edən abituriyentlərdən 543 nəfər məqbul qiymət alıb.
Məqbul qiymət alan abituriyentlər ixtisas seçimi zamanı öz elektron ərizələrində digər ixtisaslarla yanaşı jurnalistika ixtisasını da seçə bilərlər. İxtisas seçimi avqustun 12-dən 19-dək aparılacaq.
Gömrük Komitəsinin məktubunda yazılanlar hüquq prinsiplərinin açıq pozulmasıdır
Qeyd edək ki, bu il ilk dəfə olaraq abituriyentlər inşanı elektron formada kompüterdə yazıblar. Kompüterdə yazı işinin yerinə yetirilməsi abituriyentlərə fikirlərini oxunaqlı və səliqəli şəkildə təqdim etmək, zərurət olduqda mətni rahat redaktə etmək və beləliklə, ayrılan vaxtdan səmərəli istifadə imkanı yaradıb. Bu yenilik həmçinin qiymətləndirmə prosesinin daha səmərəli təşkilinə imkan yaradıb və əl yazısının oxunması ilə bağlı çətinliklər aradan qalxıb.
İmtahan nəticələri ilə bağlı Apellyasiya Komissiyasına müraciət etmək istəyənlər 10 – 11 avqust tarixlərində saat 10:00-dan 17:00-dək şəxsiyyət vəsiqələri ilə DİM-in əsas inzibati binasına (Bakı ş., Ak., H.Əliyev 299) və ya regional bölmələrinə yaxınlaşıb ərizə yaza bilərlər.
- ADY açıqladı: 6,4 milyondan çox sərnişin...
- Süleyman Mikayılovun 10 illik müavininə hökm oxundu
- Leysan, dolu... - Daha bir xəbərdarlıq
- Qubada Qəçreş yolunda təhlükəli vəziyyət - Video
- Hərbi vəzifəli şəxslərin cinayət işi məhkəməyə göndərildi
- Bəzi yerlərə yağış yağacaq, dolu düşəcək - Xəbərdarlıq
- Güclü külək əsəcək - Sarı xəbərdarlıq
- DİM bu imtahanın nəticələrini elan etdi