Oğuz rayonunda Zərifə Əliyeva adına (əslində Mədəniyyət və İstirahət Parkı - red ) park uzun müddətdir baxımsız və yararsız vəziyyətdədir.

BUTA.TV xəbər verir ki, bununla bağlı sosial şəbəkələrdə görüntülər yayılıb.

Görüntülərdən parkın ərazisində antisanitar vəziyyətin hökm sürdüyü görünür. Ərazinin zibilləndiyi, parkdakı mərmərlərin bir qisminin sınıq vəziyyətdə olduğu qeyd edilir.

Parkın ərazisində yerləşən hovuz da uzun müddətdir təmizlənmədiyi üçün içərisi zibillə dolub.

Sakinlər parkın təmizlənərək yenidən abadlaşdırılmasını və əraziyə lazımi qaydada qulluq göstərilməsini istəyirlər.

Məsələ ilə bağlı Oğuz rayon İH-dən bildirilib ki, sözügedən parka artıq vəsait ayrılıb və yaxın zamanlarda təmirə başlanılacaq:

“O parkın adı Zərifə Əliyeva parkı deyil, Oğuz rayonu Mədəniyyət və İstirahət Parkıdır. Parkın istifadə müddəti bitib, oranı təkcə təmizləməklə kifayətlənmək olmaz. Parkda boru sistemləri dəyişdirilməlidir, bununla yanaşı, bir çox işlər görülməlidir. Parkın fəaliyyətini bərpa etmək üçün isə əsaslı təmirə ehtiyac var. Aidiyyəti orqanlar tərəfindən yaxın vaxtlarda təmirə başlanılması nəzərdə tutulub”, - məlumatda qeyd edilib.

• Bakıda torpaq qiymətləri bir ayda 4% artdı
• Türkiyədən gələn TIR Zaqatalada "Şevrolet"i vurub aşırdı
• Aǧcabədidə yanğın törədən şəxs məsuliyyətə cəlb olundu
• “Bura arzular, istəklər verilişi deyil” - Hakimlər Komitəsinin sədri
• Bu yaşdan sonra sürücülük vəsiqəsi verilməyəcək?
• 10 heyvan kəsimi məntəqəsində ciddi nöqsanlar aşkarlandı
• Bu gün və sabah geomaqnit qasırğası gözlənilir
• DİN onlayn alış-verişlə bağlı xəbərdarlıq etdi