Kaliforniyadakı federal hakim ABŞ hökumətinin İsrailə qarşı tənqidləri yatırmaq və Fələstinə dəstəyi məhdudlaşdırmaq üçün deportasiya təhdidindən istifadə etməsini konstitusiyaya zidd hesab edib.

BUTA.TV xəbər verir ki, bu barədə “CBS Nyus” məlumat yayıb.

Hakim Noel Vays federal hökumətin ABŞ Konstitusiyası ilə təmin edilən söz və mətbuat azadlığı hüquqlarını pozduğuna qərar verib.

Qərarda bildirilib ki, Tramp administrasiyasının immiqrasiya siyasəti əcnəbi tələbələrin və “Stenford Deyli” qəzetinin əməkdaşlarının immiqrasiya problemləri və deportasiya qorxusu səbəbindən nəşrlərdən, tapşırıqlardan və ictimai çıxışlardan imtina etməsinə səbəb olub.

Hakimin sözlərinə görə, əgər insanlara yalnız hökumət və onun nümayəndələrinin tətbiq etdiyi fikirləri ifadə etməyə icazə verilirsə, o zaman ifadə azadlığı öz mənasını itirir:

“Söz azadlığı hüququ insanlara xoşagəlməz, mövcud siyasi baxışlara zidd olan və ya ölkənin daxili və xarici siyasətinə meydan oxuyan fikirlər bildirmək hüququnu təmin edir”.

Nəşr bildirib ki, bu qərar ABŞ Prezidenti Donald Tramp administrasiyasına qarşı məhkəmə iddiası qaldıran “Stenford Deyli” tələbə qəzeti üçün qələbə olub.

“Stenford Deyli” qəzetini təmsil edən Fərdi Hüquqlar və İfadə Azadlığı Fondu (FİRE) hakimin qərarını alqışlayıb.

Qeyd edək ki, məhkəmə əvvəllər Tramp administrasiyasının ABŞ vətəndaşı olmayan şəxsləri fələstinliləri dəstəklədiyinə və İsraili tənqid etdiyinə görə hədəf alaraq Konstitusiyanı pozduğuna qərar vermişdi.

• Putinin bütün hədəfləri uğursuz oldu - Stubb
• Tramp Salmanın Yəmənlə bağlı xahişini rədd etdi
• Rusiyanın daha bir neft emalı zavodu vuruldu - Video
• Məşhur xəritə də Ontario gölünün adını dəyişdi - Foto
• Rus ordusu daha iki kəndi işğal etdi
• Xamenei bütün müsəlmanları ABŞ-a qarşı birləşməyə çağırdı
• Psixoloq azyaşlı uşağa şiddət göstərdi - Video
• AB-nin qaz ehtiyatları kəskin azaldı