Bu günlərdə Bakı Şəhər Yasamal Rayon Polis İdarəsinin 29-cu Polis Şöbəsinə maraqlı şikayət daxil olub.
“BUTA.TV” xəbər verir ki, polisə şikayət edən İ.Talıblı küçə sakini Şakir Məmmədov (bütün ad-soyadlar şərtidir) qardaşının məsuliyyətə cəlb edilməsini istəyib.
Ş.Məmmədovun həyat yoldaşı və qayınatası da həmin şikayətə qoşulub. Onlar bildiriblər ki, Ş.Məmmədovun qardaşı Tural Məmmədov ailədə tez-tez münaqişə yaradır. T.Məmmədovun son olaraq qardaşı arvadının avtomobilinin təkərlərini bıçaqla kəsdiyi qeyd edilib.
Tural Məmmədov barəsində İnzibati Xətalar Məcəlləsinin 510-cu (xuliqanlıq) maddəsi ilə protokol tərtib olunub. Protokol baxılması üçün Yasamal Rayon Məhkəməsinə göndərilib.
Məhkəmədə ifadə verən 1994-cü il təvəllüdlü T. Məmmədov qardaşı arvadının avtomobilinə zərər vurduğunu etiraf edib: “Mən 2022-ci ildə avtomobil alqı-satqısı ilə bağlı şirkət yaratmışdım. Adıma avtomobillər çox olmasın deyə nəqliyyat vasitələrini qohumlarımın adına keçirirdim. Təxminən 1 ay əvvəl qardaşımdan maşını tələb etdim. O, həmin avtomobili satdığını dedi. Mən də əsəbiləşib onun xanımının avtomobilinin təkərlərini deşdim. Etdiyim hərəkətin səhv olduğunu bilirəm və peşmanam. Səhvim yalnız maşının təkərlərini deşmək olub. Təzəsini alıb qaytaracağam”.
Məhkəmə Tural Məmmədovun əməlində xuliqanlıq tərkibinin olmaması qənaətinə gəlib və icraata xitam verib.
Aslan Vəliyev
- ABŞ-İran müharibəsi görünməmiş çətinliklər yaradır
- Saakyanın əsassız iddialarına - Cavab verdi
- Rusiya Ukraynada zavodu vurdu: ölənlər var
- Hərbi obyektdə partlayış: 2 ölü, 59 yaralı - Video
- Şahbuzdakı ağır qəzada ölənlərin - Fotoları
- Ərdoğan 12 ölkəyə yeni səfir təyin etdi
- İstanbulda oteldə yanğın: xəsarət alanlar var
- Harada təhlükə aşkar etsək, əməliyyatlar keçirəcəyik - İran