“SpaceX” və “Tesla” şirkətlərinin rəhbəri, amerikalı milyarder İlon Mask itirdiyi şəxsi vəsaitlərinin miqdarına görə dünya rekordunu qıraraq “Ginnesin Rekordlar Kitabı”na düşüb.
“BUTA TV” “Business Insider”ə istinadən xəbər verir ki, bu barədə məlumatı təşkilat yayıb.
“İlon Mask tarixdə külli miqdarda şəxsi vəsaitlərinin itirilməsi üzrə rəsmi olaraq dünya rekordunu qırıb”, - deyə məlumatda qeyd olunub.
Təşkilat “Forbes”in məlumatlarına əsaslanaraq belə bir qərar verdiyini açıqlayıb.
Qeyd olunur ki, İlon Mask 2021-ci ilin noyabrında dünyanın ən varlı şəxsi olub və sərvəti 340 milyard dollara çatıb. “Forbes” milyarderin o dövrdən etibarən təqribən 182 milyard dollar itirdiyini bildirir. Bununla belə, digər mənbələr Maskın əslində itkilərinin 200 milyard dollara çatdığını iddia edirlər.
Buna baxmayaraq, Mask dünyanın ən varlı ikinci şəxsi olaraq qalır.
İlon Maskdan əvvəl isə sözügedən rekordun sahibi “Softbank”ın təsisçisi, yaponiyalı sahibkar Masaesi Son idi. Belə ki, o, 2000-ci ildə 58,6 milyard dollar itirib.
- Trampın Bakıya tarif tətbiqi: ABŞ-a nə qədər mal satırıq?
- Yeni Klinika bir aydır səhvini düzəltmir
- Makron sui-qəsdçiləri Bakıya niyə göndərib?
- Proses başladı: erməni ordusu geri çəkilir, ərazilər verilir - Qazaryan
- Trampın Bakı ilə bağlı qərarında mühüm məqam
- ABŞ İranı bu tarixdə yox edəcək - Sensasiya
- BMT Ağdamdakı mina partlayışını araşdıracaq
- Ermənistan sülh sazişinə bunu salmaq istəyirdi - Video