Salyanda quldurluqda şübhəli bilinən şəxs saxlanılıb.

DİN-in Mətbuat Xidmətinin Şirvan regional qrupundan BUTA.TV-a verilən məlumata görə, Salyan Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində ötən ilin dekabr ayında rayon ərazisində yerləşən evlərin birinə basqın etməkdə şübhəli bilinən rayon sakini Yaşar Məmmədov saxlanılıb.

Həmin şəxs ilkin dindirilmə zamanı törətdiyi cinayət əməlini etiraf edib.

Araşdırmalar zamanı məlum olub ki, Y.Məmmədov tanışı, hal-hazırda qeyd edilən hadisəyə görə həbs olunmuş Aydın Nəzərovla qabaqcadan əlbir olaraq ötən ilin dekabr ayının 18-də səhər saatlarında rayon ərazisində yerləşən evlərin birinə basqın ediblər.

Ev sahibinə hədə-qorxusu gələrək qızıl-zinət əşyaları və pul tələb edən həmin şəxslər quldurluq əməlini törədərək həmin ünvanı tərk ediblər.

Faktla bağlı Salyan Rayon Polis Şöbəsinin İstintaq Bölməsində araşdırmalar davam etdirilir.

• Dağlara sığınmış mavi palitra - Səma yerə necə endi? - Fotolar
• Azərbaycanda bu məşhur məkana giriş pullu oldu - Video
• Sənədsiz ev sahiblərinin nəzərinə: Çıxarış almaq üçün...
• Komitə rəsmisindən valideynlərə müraciət: Erkən evlilik...
• "Əhmədli"də küçə satıcıları yığışdırıldı - Video
• Azərbaycanda vergi borcları 4 milyardı ötdü
• Toyu çəkən İTV əməkdaşlarına hücum edildi - Video
• Məşhur şadlıq sarayı 2,5 milyona satışa çıxarıldı - Foto