Bakıda iki minik avtomobili toqquşub, iki nəfər xəsarət alıb.
Bu barədə BUTA.TV-a Fövqəladə Hallar Nazirliyindən bildirilib.
“112” qaynar telefon xəttinə Bakı şəhəri, Suraxanı rayonu, Əmircan qəsəbəsi ərazisində yol-nəqliyyat qəzasının baş verməsi və vətəndaşların avtomobildə sıxılı vəziyyətdə qalması barədə məlumat daxil olub.
Daxil olan məlumatla əlaqədar hadisə yerinə dərhal FHN-in Xüsusi Riskli Xilasetmə Xidmətinin xilasediciləri cəlb edilib.
Hadisə yerində əməliyyat şəraiti qiymətləndirilərkən müəyyən olunub ki, 1979-cu il təvəllüdlü Elçin Kamal oğlu Hacıyevin idarə etdiyi VAZ-2107 markalı minik avtomobil ilə 1987-cil təvəllüdlü Naib Sədi oğlu Şəbəndəyevin idarə etdiyi “Mersedes” markalı minik avtomobilinin toqquşması nəticəsində yol-qəza hadisəsi baş verib və hər iki sürücü deformasiyaya uğrayan avtomobillərdə sıxılmış vəziyyətdə qalıb.
Xilasedicilər xüsusi xilasetmə vasitələri ilə avtomobillərdə sıxılı vəziyyətdə qalan vətəndaşları xilas edərək təcili tibbi yardım briqadasına təhvil veriblər.
Hadisə ilə əlaqədar müvafiq qurumlar tərəfindən təhqiqat aparılır.
- Sumqayıtda usta faciəvi şəkildə öldü
- Şiddətli yağış: bu çaylarda suyun səviyyəsi artdı
- Şuşaya istilik bu tarixdə veriləcək
- Bakıda bu ərazilərdə şarj aparatları quraşdırıldı
- Sabah yağış yağacaq
- İsa Həbibbəyliyə yeni vəzifə verildi
- Bakıda uçan naməlum obyekt göründü - Video
- Su basmış yerlərdən suyun çəkilməsinə başlanıldı - Video