2001-ci ilin fevral ayının 16-da saat 21 radələrində Masallı rayonunun Yeyenkənd kəndində yaşayan Gülhüseyn Nəcəfovun evinə girmiş 3 nəfər maskalı şəxs onu avtomat və lüləsi kəsilmiş tüfənglə hədələyib 500 ABŞ dolları, rubl (məbləği müəyyənləşdirilir) pul, qızıl üzük və mobil telefonunu alaraq hadisə yerini tərk ediblər.
DİN-in Mətbuat Xidmətinin Lənkəran regional qrupundan BUTA.TV-a bildirilib ki, faktla bağlı elə həmin vaxt CM-nin 181-ci (quldurluq) maddəsi ilə cinayət işi başlanıb.
Qeyd olunan cinayətin törədilməsilə əlaqədar bu günlərdə daxil olmuş əməliyyat məlumatları əsasında Masallı Rayon Polis Şöbəsinin əməkdaşlarının keçirdiyi tədbirlərlə cinayəti törədənlərin şəxsiyyəti müəyyən edilib.
Belə ki, Yevlax rayon sakini, əvvəllər məhkum olunmuş 1964-cü il təvəllüdlü Cəlal Qəhrəmanov tutulub, cinayəti törətməkdə şübhəli bilinən digər iki nəfərin - 1967-ci il təvəllüdlü Cümşüd Nəzərovun və 1969-cu il təvəllüdlü Elşən Abbasovun vəfat etmələri məlum olub.
Tutulan C.Qəhrəmanov 22 il əvvəl birgə törətdikləri quldurluq cinayətini etiraf edib.
- Ramiz Mehdiyevə tərifnamə: Görün, kimlər, nələr yazıb...
- Ermənilərdən Mingəçevirlə bağlı absurd iddia
- "Nalayiq ifadələr işlədib, xəritələri masadan atıb və onu hədələyib" - Tramp Zelenski ilə görüşdə "dəli" olub
- Rəsul Quliyev: “Azərbaycana qayıtmaq niyyətim ...” - MÜSAHİBƏ
- Ramiz Mehdiyevin kürəkəni əsəbiləşdi: “Boş söhbətlər etməyin”
- Hikmət Hacıyev Astanadan yeni video paylaşdı
- Zəngəzurun qırmızı lentini şəxsən o kəsəcək - Qevondyan
- Bu şəxslər hərbi xidmətə çağırılmırlar - Səbəb