Rusiya Milli Antiterror Komitəsi hərbi müxbir Vladlen Tatarskinin qətlini terror aktı adlandırıb.
BUTA.TV xəbər verir ki, bu barədə sözügedən komitə məlumat yayıb.
Məlumata görə, hücum Ukrayna xüsusi xidmət orqanları tərəfindən təşkil edilib:
“Vladlen Tatarskiyə qarşı törədilmiş terror aktı Ukraynanın xüsusi xidmət orqanları tərəfindən Navalnı Antikorrupsiya Fondu ilə əməkdaşlıq edən şəxslərdən olan agentlərin cəlb edilməsi ilə planlaşdırılıb. Saxlanılan Trepova da bu fondun fəal dəstəkçisi olub. Araşdırma davam edir”.
Qeyd edək ki, Tatarski ötən gün Sankt-Peterburqdakı "Strit-bar" kafesində baş verən partlayışda ölüb. Kafenin “Vaqner”in sahibi Priqojinə məxsus olduğu bildirilir.
Bu gün hərbi müxbir Vladlen Tatarskinin ölümünü şərh edən Priqojin hadisənin arxasında Ukrayna hakimiyyətinin dayanmadığını bildirmişdi.
- Prezident açıqladı: Onun da sonu yaxınlaşır…
- Ermənistana verilən silahların qiyməti… - Prezident
- Paşinyandan sülh açıqlaması: Hamınızı təbrik edirəm!
- İşıq və qaz qiymətlərində necə dəyişiklik olacaq? - Açıqlama
- Bu ərazilər Bakıya qaytarılacaq – Paşinyan açıqladı
- Səlcuq Bayraqdar yenə rekordu qırdı
- 17 maddəlik sülh sazişinin əsas elementi budur…
- Trampdan Azərbaycan açıqlaması: Bunu həll etdim!