Bakıda 300 min manatla itkin düşən və qətlə yetirildiyi məlum olan 1954-cü il təvəllüdlü Kamran Bəkirov iş xanımının atasıdır.
Bununla bağlı Olay.az məlumat yayıb.
Bildirilib ki, K.Bəkirovun qızı tanınmış iş xanımı, rəssam-modelyer Elnarə Bəkirovadır.
08:40
Aprelin 6-da paytaxtın Sabunçu rayonunda fərdi əmək fəaliyyəti ilə məşğul olan 1954-cü il təvəllüdlü Kamran Bəkirovun üzərində olan 300 min manatla itkin düşməsi barədə polisə məlumat daxil olub.
Daxili İşlər Nazirliyinin Mətbuat Xidmətindən bildirilib ki, polis tərəfindən keçirilən əməliyyat-axtarış tədbirləri nəticəsində həmin şəxsin öldürülməsi və meyitinin gizlədilməsi məlum olub.
Davam etdirilən təxirəsalınmaz tədbirlərlə cinayət əməlini törətməkdə şübhəli bilinənlər - əvvələr məhkum olunan 1953-cü il təvəllüdlü Mustafa Zeynalov, 1984-cü il təvəllüdlü Namiq Əliyev saxlanılıb.
Sabunçu Rayon Prokurorluğu da hadisə ilə bağlı məlumat yayıb.
Bildirilib ki, ilkin araşdırma zamanı Kamran Bəkirovun aprelin 6-sı saat 19 radələrində paytaxtın Sabuçu rayonunun Nardaran qəsəbəsi ərazisində aralarındakı pul mübahisəsi zəminində 1955-ci il təvəllüdlü Mustafa Zeynalov və onun qohumu 1984-cü il təvəllüdlü Namiq Əliyev tərəfindən küt alətlə xəsarət yetirməklə qəsdən öldürülməsi və meyitinin rayonun “Ləhic bağları” adlanan ərazidəki su quyusuna atılmasına əsaslı şübhələr müəyyən edilib.
Fakta görə Sabunçu rayon prokurorluğunda Cinayət Məcəlləsinin müvafiq maddəsi ilə cinayət işi başlanıb.
- Ukrayna əməliyyat hazırlayır: Putinə rahatlıq olmayacaq
- İki azyaşlı erməni Azərbaycan ərazisinə keçdi
- Azərbaycanın yaşıl enerji siyasəti ölkənin əsas prioritetlərindən biridir
- Trampın anonsu: Putin necə qisas alacaq? – Markov
- Regionlarda kommunal xidmət üçqat azaldılsa… - Ekspert
- Pezeşkianın türk liderlərə zəngi - İran siyasəti dəyişir?
- “Melissa Group”un vətəndaşın başına uçurduğu ev sökülür
- Rusiya panikada: sərhəddən təcili çıxarılır - Şok