Audiovizual Şuranın videoformatda iclası keçirilib.

Bu barədə BUTA.TV-a Şuradan məlumat verilib.

İclasda qeyri-dəqiq reklam yayımı faktı ilə bağlı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən Şuraya daxil olmuş məktub və həmin məktuba əsasən həyata keçirilmiş monitorinqin nəticələri müzakirə olunub.

Belə ki, 17 fevral 2023-cü il tarixində ARB televiziya redaksiyasının efirində nümayiş olunan teleticarət blokunun daxilində yayımlanan “Məhəmməd Əfəndiyev, Varikoz mərkəzi - Varikozdan lazer üsulu ilə azad olun” məzmunlu reklam materialında “Klinikamızda bütün xəstəliklərə çarə var” ifadəsinin işlədilməsi ilə qeyri-dəqiq reklama yol verilib.

Müzakirələrin yekunu olaraq Audiovizual Şurası “Reklam haqqında” qanunun 7.2-ci maddəsini, “Media haqqında” Azərbaycan Respublikasının Qanununun 39.1.4-cü, 41.1.1-ci və 41.5-ci maddələrini rəhbər tutaraq “ARB 24” Məhdud Məsuliyyətli Cəmiyyətinin ARB televiziya redaksiyasının proqramlarının yayımının 16 aprel 2023-cü il tarixdə saat 13:00-dan saat 16.00-dək 3 (üç) saatlıq dayandırılması ilə bağlı qərar qəbul edib.

Bu qərarla bağlı qanunvericiliyin tələbini pozmuş yayımçıya məlumat verilmiş, habelə digər yayımçılara da bu məsələdə diqqətli olmaları tövsiyə olunub.

• Məzun xalatı və papağı hadisə yerində qalıb... - Video
• Bakı kəndlərini niyə qurbağalar basıb? - Video
• Bakıda tarixi UFC gecəsi - 72 ölkədən azarkeş və tam dolu arena
• Qarşısında baş əyməyi müzakirə yaratdı - Video
• Elə leysan yağır ki, oyun başlaya bilmir - Video
• 6 gün dağıntılar altında sağ qaldı - Cəmi 3 yaşı var
• Azərbaycanda uşaq qidasının tərkibində toksinlər aşkarlandı
• Bakıda qeyri-adi hadisə : "Prius" pilləkəndə qaldı - Video