Ermənistanın dünənki təxribatında üç məqama diqqət yetirmək lazımdır. Birinci məqam, Bakı-İrəvan sülh müqaviləsi və müqavilədən irəli gələn öhdəliklərin yerinə yetirilmədiyi şəraitdə belə döyüşlər davam edəcək. Yəni bu öhdəliklər daxilində bütün problemlər siyasi-hüquqi formada həlli olmayanadək, ən xırda məsələlərin döyüşlərə gətirib çıxaracağı gözləniləndir. Bakı məhz ona görə İrəvanla qarşılıqlı öhdəliklər əsasında sülh müqaviləsi təklif edir. Azərbaycan Ermənistanla münasibətlərimizdə bu müqavilə və ondan sonra qəbul edilən sənədlərlərlə normativ hüquqi baza yaradılmasını, əlaqələrin çərçivəyə salınmasını istəyir. Lakin İrəvan Bakıya qarşı ərazi iddialarından əl çəkmir. Bununla da Ermənistan birbaşa sülh prosesinə maneə törədir.
Bunu BUTA.TV-a açıqlamasında politoloq Fərhad Məmmədov deyib.
“İkinci məqam odur ki, Ermənistanda şərti sərhəddə baş verən proseslər olduqca vacib, bir nömrəli məsələ kimi müzakirə olunur. Paşinyanın reytinqi müxalifətlə mübarizədə zəifləmir, onun reytinqi Ermənistana ərazi təhdidi olduqda zəifləyir. Ona görə Nikolun irəli çəkdiyi zabitlər, onun dövründə vəzifəyə gətirilən hərbçilər özlərini göstərməyə çalışırlar. Dünən Ermənistan tərəfindən yaralanmış korpus komandiri də onlardan biridir. Adətən korpus komandiri general rütbəsində olur, amma bu hələ də polkovnikdir. O, xırda “qəhrəmalıqla“ daha irəli çəkilməli və Paşinyana qarşı çıxan generalları əvəzləməlidir. Təbii ki, İrəvan daxilində baş verən bu proseslər sülhə ciddi təsir göstərir.
Üçüncü məqama gəlincə, diqqət edək ki, dünən Azərbaycan-Ermənistan arasında baş verən döyüşlərdən sonra heç bir vasitəçi tərəflərlə telefon danışığı aparmadı. Bu da onu gösətirir ki, artıq vasitəçilər də bu prosesə mütəmadi olaraq qarşımaqdan yorulublar”, - o bildirib.
- Ermənistan “qırmızı xətlərə” hörmət etdiyini deyir – Arakçı
- Tramp 907-ci maddənin fəaliyyətini rəsmən dayandırdı
- Qardaşımın nəşi indiyədək tapılmayıb - Zərərçəkmiş şəxs
- Overçuk Zəngəzura görə İrəvana gəlir
- Ukraynaya növbəti humanitar yardım göndərildi
- İrəvan seçim etməli olacaq - Rusiyadan xəbərdarlıq
- Rusiyadan Zəngəzur dəhlizi ilə bağlı gözlənilməz: Dəstək verdi
- İrəvanda AB-nin müşahidə missiyası fəaliyyətini davam etdirəcək