Bakıda hamamlardan birinin fəaliyyəti dayandırılıb.

Bu barədə BUTA.TV-a Fövqəladə Hallar Nazirliyinin (FHN) məlumat verilib.

Bildirilib ki, Dövlət Yanğın Nəzarəti Xidmətinin Bakı şəhəri, Binəqədi rayonu, M.Ə.Rəsulzadə qəsəbəsi, Zəngəzur küçəsi, 10 ünvanında yerləşən “Pak məkan hamamı” adlı obyektdə keçirdiyi yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib. Belə ki:

- obyektdə avtomatik yanğınxəbərverici siqnalizasiya qurğuları tam quraşdırılmayıb və həmin qurğuların texniki sazlığının yoxlanılması ilə bağlı test aparılmayıb;

- elektrik təchizatı və elektrik qurğuları “Elektrik Qurğularının Quraşdırılması Qaydaları”nın tələblərinə uyğun quraşdırılmayıb;

- obyektdə daxili yanğın su kranları quraşdırılmayıb;

- taxta konstruksiyalı elementlər odadavamlı məhlulla hopdurulmayıb;

- obyektdə təxliyə planı mövcud deyil;

- obyekt ilkin yanğınsöndürmə vasitələri ilə tam təmin olunmayıb və mövcud odsöndürən balonların tərkibi yenilənməyib.

Beləliklə, mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.

Bu baxımdan yanğın təhlükəsizliyi norma və qaydalarının tələblərinin kobud pozulması faktları aşkar edilmiş Bakı şəhəri, Binəqədi rayonu, M.Ə.Rəsulzadə qəsəbəsi, Zəngəzur küçəsi, 10 ünvanında yerləşən “Pak məkan hamamı” adlı obyektin fəaliyyətinin dayandırılması barədə qərar qəbul olunub və qərarın bir nüsxəsi obyektin nümayəndəsinə təqdim edilib.

• “İsgəndər” qəlpələri Azərbaycan səfirliyinin binasına düşdü
• Azərbaycan üçün bunu etməyə hazırıq! - Paşinyan
• Paşinyandan “Tramp yolu” açıqlaması: 99 il...
• İlk ürək transplantasiyası belə baş tutdu - Cərrah
• İlham Əliyev “o məmurlar” deyəndə kimlərə işarə etdi?
• “Məktəblər bağlansa, kəndlər boşalacaq” - Nazirlə ekspert yenə üz-üzə gəldi
• Simonyandan Qarabağ açıqlaması: İki nəfər bərk qorxur
• Prezident: Xəzər dənizi tarixi əməkdaşlığın rəmzidir