Bakıdakı “Sonalar Sonası” şadlıq sarayında liftin təhlükəsizlik tələblərinə cavab vermədiyi aşkarlanıb, fəaliyyəti dayandırılıb.
Bu barədə BUTA.TV-a Fövqəladə Hallar Nazirliyindən bildirilib.
Belə ki, FHN-in Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi sənayedə və dağ-mədən işlərində təhlükəsizliyin təmin edilməsi istiqamətində fəaliyyətini davam etdirir.
Bu çərçivədə, Agentliyin müfəttişləri tərəfindən Bakı şəhəri, Binəqədi rayonu, M.Cəlal, 76 ünvanında yerləşən “Aysel” firmasına məxsus “Sonalar Sonası” şadlıq sarayının liftində plan üzrə yoxlama aparılıb.
Yoxlama zamanı liftin müvafiq təhlükəsizlik tələblərinə riayət olunmadan istismar edildiyi və insan həyatı və sağlamlığı üçün təhlükə yaratdığı müəyyən olunub.
Qeyd olunanlar nəzərə alınaraq, liftin istismarı dayandırılıb və aşkar edilmiş texniki təhlükəsizliklə bağlı pozuntuların aradan qaldırılması üçün “Aysel” firması qarşısında məsələ qaldırılıb. Həmçinin, müvafiq akt tərtib edilərək, yalnız qayda pozuntularının aradan qaldırılacağı təqdirdə liftin istismarının mümkün olacağı və liftin müvafiq normalara riayət olunmadan istismarı zamanı baş verə biləcək qəza və bədbəxt hadisəyə görə məsuliyyət daşıdıqları sözügedən firmanın rəhbərliyinə izah olunub.
- Rusiyada bunlar var, amma benzin yoxdur - Novak
- Britaniya Rusiya gəmilərini bu cür aşkarlayacaq
- Daşkənddə İlham Əliyevin rəsmi qarşılanma mərasimi oldu - Fotolar - Video
- Şavkat Mirziyoyev Prezidentin səfəri ilə bağlı paylaşım etdi - Video
- Prezidentlərin görüşünə hazırlığın - Görüntüləri
- Rusiyada yanacaq böhranı nə vaxt bitəcək? Putin cavab gözləyir
- BƏƏ ərazisinin bir hissəsini İrana verməlidir - Deliqani
- Putinin uzunmüddətli hədəflərindən biri… - Zelenski