Sosial şəbəkələrdə Azərbaycanın Alban-Udi Dini İcması nümayəndələrinin Xudavəng məbədinə buraxılmadığını əks etdirən görüntülər yayılıb.
BUTA.TV xəbər verir ki, görüntülərdə icma nümayəndələrinin məbədi ziyarətinə Qarabağ iqtisadi rayonunun bir hissəsinə müvəqqəti yerləşdirilən rus sülhməramlılarının icazə vermədiyi görünür.
Halbuki 23 mayda yayılan məlumatda Dini Qurumlarla İş üzrə Dövlət Komitəsinin (DQİDK) təşkilatçılığı ilə Alban (Qafqaz) Apostol Müstəqil Kilsəsinin varisi olan Azərbaycan Alban-Udi Dini İcmasının və qeyri-islam dini icmaların nümayəndələrinin Ermənistanın işğalından azad olunan Kəlbəcər rayonundakı Xudavəng monastır kompleksini ziyarət etdiyi haqda məlumat verilib.
Yayılan görüntü ilə bağlı saytımıza danışan Alban-Udi Dini İcmasının sədr müavini Rafik Danakari bildirib ki, sülhməramlılar əvvəlcə bu səfərdən məlumatsız olduqlarını bildiriblər:
“Ancaq Azərbaycan Müdafiə Nazirliyinin müdaxiləsindən sonra məsələ öz həllini tapdı. Azərbaycan Alban-Udi Dini İcmasının və qeyri-islam dini icmaların nümayəndələri Xudavəng məbədini ziyarət edib, dini ayinlərini icra etdilər”.
- Kərimlinin saxlanılma səbəbi: 12 il öncə nə baş vermişdi?
- Əli Kərimlinin saxlanılması ilə bağlı yeni məlumat
- Cəmil Həsənli hava limanından geri qayıtdı - DTX-yə çağırıldı
- Gültəkin Bakıya göndərilir: daha iki şəxs saxlanacaq
- Gültəkin Hacıbəyli Türkiyədə saxlanıldı: deport edilir
- Azərbaycan Qahirədə mühüm iclasda təmsil olunacaq
- 14 yüksək rütbəli zabitimizin şəhid olmasından 4 il ötür
- Əli Kərimlinin evindən Ramiz Mehdiyevin məktubu tapıldı