Qarabağda keçmiş separatçı rejimin “başçısı”, qondarma qurumun buraxılması barədə “fərman” imzalayan Samvel Şahramanın da Azərbaycan xüsusi xidmət orqanlarının əməkdaşları tərəfindən saxlanıldığı haqda məlumat yayılıb.
BUTA.TV xəbər verir ki, bu barədə Ermənistanın “Hraparak” nəşri iddia edib.
Nəşrin məlumatına görə, Xocali qatili Vitali Balasanyan və separatçıların silahlı birləşmələrinin rəhbəri, “general” Kamo Vardanyan hələ də Xankəndidədir və onların taleyinə bu gün aydınlıq gətiriləcək.
Qeyd edək ki, keçmiş qondarma rejimin keçmiş “prezidentləri” – Arkadi Qukasyan, Bako Saakyan və Araik Arutyunyan artıq həbs edilərək, Bakıya gətiriliblər. S.Şahramanyanın isə həbs ediləcəyi ehtimalı daha az qiymətləndirilir. Belə ki, Şahramanyan azərbaycanlılara qarşı qətliamlarda iştirak etməyib, eyni zamanda, antiterror tədbirlərindən qısa müddət sonra qanunsuz rejimin buraxılması tələbini icra edib.
Onun antiterror tədbirlərindən bir neçə gün öncə Araiki əvəzlədiyini və hazırda Azərbaycanla əməkdaşlıq etdiyinin də nəzərə alınacağı ehtimal edilir.
- Konqresin saytında Azərbaycanla bağlı qanun layihəsi yerləşdirildi
- Rəsmi Bakı Yəmənlə bağlı mövqeyini açıqladı
- Türkiyə Ermənistanla sərhədi qismən açır
- Putin sülh sənədini qəbul edəcək: bəs, sülhü?
- Ölkədən qaçan Axundovun şirkəti kapitalını yarıya endirdi
- Uçuşlar gecikir: Ermənistanda nə baş verir?
- Ukrayna Rusiyanın Krımdakı hərbi bazasını vurdu
- Nazir Rus Evi ilə bağlı iddialara son qoydu