Bakının Nəsimi rayonunda yerləşən orta məktəblərdən birinin yaxınlığında narkotik maddələrin satışı iddiaları ilə bağlı daxil olan məlumatlar nəzarətə götürülərək araşdırılıb.

BUTA.TV xəbər verir ki, bu barədə DİN-in mətbuat xidmətinin əməkdaşı, polis mayoru Anar Qafarov məlumat yayıb. O bildirib ki, Nəsimi RPİ əməkdaşları tərəfindən həyata keçirilən tədbir nəticəsində həmin şəxs, paytaxt sakini 1987-ci il təvəllüdlü Zaur Hacıyev müəyyən olunaraq saxlanılıb. Onun üzərindən külli miqdarda 102 qram narkotik vasitə heroin aşkar edilib.

Araşdırma zamanı Z.Hacıyevin narkotik maddələrin satışını təşkil etməklə bərabər aludəçisi olduğu, həmçinin onunla birlikdə görüntülənən şəxslərin məktəb şagirdləri yox, narkotik vasitə istifadəçiləri olduqları müəyyən edilib.

Şübhəli şəxs barəsində Cinayət Məcəlləsinin müvafiq maddəsi ilə cinayət işi başlanılıb, araşdırmalar davam etdirilir.

• İki siyahı var: Biri “beşinci kolon”, digər isə Mehdiyevin…
• Paşinyan Papa ilə görüşdü: Bakı ilə sülh sazişi...
• Türk NATO-suna xeyir-dua verildi – ABŞ hərəkətə keçdi
• Mehdiyev işi: Elton Məmmədov iddialara cavab verdi
• Mehdiyevin yanında o qalır, bazarlığı da mən edirəm... - Açıqlama
• AZAL təyyarəsi dayanacağa buksirlənərək aparılıb - TASS
• Şayiələr gəzir ki, Ramiz Mehdiyev… - Erməni politoloq
• Ramiz Mehdiyevin oğlu ilə bağlı qərar verilir