44 günlük müharibədə Gəncə və digər şəhərlərə raketlərin atılması və mülki insanların qətlə yetirilməsi əmrini verən separatçı Araik Arutyunyanın Qarabağada harada ələ keçirildiyinə dair yeni məlumatlar yayılıb.

BUTA.TV  xəbər verir ki, erməni jurnalist Tatul Akopyan Arutyunyanın Azərbaycan Dövlət Təhlükəsizlik Xidmətinin əməkdaşları tərəfindən konyak zavodunda həbs edildiyini iddia edir.

“Mən Arkadi Qukasyan və Bako Saakyanın necə həbs edildiyi ilə bağlı məlumatlar yaymışdım. David İşxanyan da onların yanında olub. Daha bir detalı qeyd etmək istəyirəm. Qukasyan, Saakyan və İxşanyan Rusiya sülhməramlılarının qərargahını tərk edərək, keçmiş (qondarma-red) “daxili işlər naziri” Karen Sarkisyanın Xankəndidəki evinə gediblər.

Azərbaycan DTX-si da onları məhz orada ələ keçirib. Araik Arutyunyan isə Xankəndidə səhmdarlarından biri olduğu konyak zavodunda həbs olunub. Əldə etdiyimiz məlumata görə, Araik konyak zavodunda gizlənirmiş. Azərbaycan DTX-sinin xüsusi təyinatlı qrupu Tumanyan (ermənilərin Xankəndi küçələrindən birinə bu adı vermişdi) küçəsində yerləşən zavodda əməliyyat keçirərək, onu həbs ediblər, daha sonra Bakıya aparıblar”, - erməni jurnalist bildirir.

• Azərbaycan və Türkiyə daha bir protokol imzaladı
• "TuranBank"ın sədri IsDB-in toplantısında spiker qismində çıxış etdi
• Azərbaycanlı şahmatçı Maqnus Karlseni məğlub etdi - Video - Fotolar
• Geniş seçim: "Park Yasamal"da yeni mənzillər!
• "Azercell"in bu abunəçilərinə Atəşgah Sığorta-dan 20% endirim
• Növbəti 3 gün güclü külək əsəcək
• Azərbaycanda yumurta kəskin ucuzlaşdı - Səbəb
• Famil Xəlilovun qardaşı faciəvi şəkildə öldü