Sağlamlığımla bağlı sizə açıqlama verim, indi özümü daha yaxşı hiss edirəm, sadəcə bədənin toxumaları zədələnib və çox həssaslaşıb. İnşallah o da zamanla düzələcək və əvvəlki formasına qayıdacaq. Həkim sağ olsun, həqiqətən mənim bədənimi geldən təmizlədi. Abses ( red. Abses (lat. abscessus - irinlik) — iltihab nəticəsində məhdud boşluqda irin toplanması) dayandı. Ondan sonra bədəni əvvəlki formaya salmaq üçün növbəti əməliyyata girdim.

BUTA.TV xəbər verir ki, bu sözləri ombasına gel vurdurduqdan sonra ciddi sağlamlıq problemləri ilə üzləşən model Leyla Mirzəliyeva deyib. O, bildirib ki, ombasındakı çürümə dayanıb və yaraları sağalmaq üzrədir. O, həmçinin geli bir il əvvəl vurdurduğunu və bir il ərzində 9-dan çox əməliyyat keçirdiyini etiraf edib.

"İnşallah zamanla üzüm yenidən güləcək və bütün çətinliklərim geridə qalacaq", - Leyla bildirib.

O, bədəninə gel vurdurmasının və liposaksiya (liposaksiya (piy sovrulma) və lipofillinq (lipoqraftinq), yəni alınmış piy toxumalarının bədənin müxtəlif yerlərinə transfer olunması) etdirə bilməməsinin səbəblərini ətraflı izah edib:

"Off baxıram o qızlara, gedib əməliyyat edirlər, həmişə onlara sual verirəm ki, necə belə kökələ bilmisiniz? Deyir ki, yeyib kökəlmişəm. Mən isə nə qədər yedim kökələ bilmədim. Arıq idim deyə liposaksiyaya heç bir həkim götürmürdü. Əsəbiləşdim, getdim gel etdirdim, özü də gel liposaksiyadan bahadı".

Model həm də qeyd edib ki, dost bildiyi insanların çoxu dar günündə ona dəstək olmayıb:

"1-2 nəfər bilirəm ki, sevinirdilər. özlərini narahat olmuş kimi göstərirdilər. Amma danışanda hiss edirdim ki, ürəyi sevinir. Mənim daha pis vəziyyətimi görmək istəyirdilər. Və sizə bir şey deyim, insanın sizə düşər-düşməzliyinə inanırsınız? Mən inanıram, çünki həyatınızdakı insanın ağır aurası və nəfsi həyatınızı çətinləşdirə bilər. O insanın həyatı zibil kimidirsə, sizin də elə olacaq. Odur ki, içi paxıl, fəsadlı insanları özünüzdən uzaqlaşdırın".

• Leyla Əliyeva İbrahim Ailə Evini ziyarət etdi
• DİN yayılan görüntülərə aydınlıq gətirdi
• Tanınmış şairlər məmurların önündə buna görə alçalır
• Epşteyn sənədlərində adı 4 dəfə çəkilən rayonumuz hansıdır?
• Leyla Əliyeva Əbu-Dabidə Zarqa Yaftalı ilə görüşdü
• Atasını öldürən 15 yaşlı qız ev dustaqlığına buraxıldı
• Kamran Əliyev yeni rəis təyin etdi
• Narkotik çəkib maşın sürən şəxs həbs edildi - Video