Xəbər verdiyimiz kimi, ötən gün – 15 oktyabrda Prezident İlham Əliyev Xankəndi şəhərində Azərbaycan bayrağını ucaldıb və çıxış edib.

BUTA.TV xəbər verir ki, Prezident İlham Əliyev Azərbaycanı hədələyən separatçılardan da danışıb.

- Bu binada (Xankəndidə separatçıbaşıların qərargah kimi istifadə etdiyi, ötən gün önündə Bayrağımızın qaldırıldığı bina – red.) ən ali kürsüdə oturanların bəziləri indi Bakıdadır. Onlar Bakıya gəlmək istəyirdilər, onlar bizi hədələyirdilər, deyirdilər ki, onların tankları Bakı küçələrində olacaq, haqlı çıxdılar. Onların tankları Hərbi Qənimətlər Parkındadır. Onlar deyirdilər ki, Bakıya gəlib çay içəcəklər. Burada da haqlıdırlar. İndi çay içirlər, istintaq təcridxanasında. Özünü “prezident” adlandırmış üç təlxək bax, burada oturub bizə meydan oxuyurdu, bizi hədələyirdi, bizi təhqir edirdi.

- Bu binaların birində oturmuş, özünü “baş nazir” adlandıran bir adam görəsən bu gündəmi bizi hədələməyə cürət edəcək? Onun da çayı bu gün istintaq təcridxanasında verilir. Burada özünü “xarici işlər naziri” adlandırmış bir separatçı o vaxt belə kinayə ilə deyirdi ki, Azərbaycan Bayrağını Xankəndidə qaldırmaq istəyirsə, səfirlik açsın bizim ölkəmizdə. İndi onun da çayı orada, təcridxanada verilir”.

Qeyd edək ki, özünü “prezident” adlandıran 3 təlxək – Bako Saakyan, Robert Qukasyan və Araik Arutyunyan, “baş nazir” (“dövlət naziri”) olduğunu iddia edən şəxs Ruben Vardanyan, “xarici işlər naziri vəzifəsini daşımış” separatçı isə Davit Babayandır.

• Nazir Rus Evi ilə bağlı iddialara son qoydu
• Rusiya ilə münasibətlərdə ümumi gərginlik... - Bayramov
• Azərbaycan, Qazaxıstan, Rusiya və ICAO-nun birgə rəyi: təyyarə vurulub
• Prezident AMİP sədrinin oğluna vəzifə verdi
• Prezidentin təltif etdiyi alpinist qadın danışdı
• Putin AZAL-ın təyyarəsi ilə bağlı öhdəlikləri niyə icra etmir?
• Bakı və Moskvadan Kadırova qadağa: Tədbirə buraxılmadı
• Paşinyan Əliyevə niyə daim təşəkkür etdiyini açıqladı