Rusiya Xarici İşlər Nazirliyinin sözçüsü Mariya Zaxarova Ermənistan Təhlükəsizlik Şurasının (TŞ) katibi Armen Qriqoryanın Moskvada MDB ölkələrinin təhlükəsizlik şuraları katiblərinin görüşündə həmkarlarına qoşulmaq istəməməsinə eyham vurub.

BUTA.TV Report-a istinadən xəbər verir ki, bu barədə M.Zaxarova brifinqdə “Nyus.ru”nun Qriqoryanın bu görüşdə iştirak etməməsinin səbəbləri ilə bağlı sualını cavablandırarkən bildirib.

“Armen Qriqoryanla bağlı vəziyyətə aydınlıq gətirməyimizin mənası yoxdur. O, gəlməyə hazırlaşırdı, lakin iş cədvəlində dəyişiklik olduğunu əsas gətirərək gəlməkdən imtina etdi. Sonra gördük ki, o, İrəvanda ABŞ Dövlət Departamentinin Cənubi Qafqaz üzrə baş məsləhətçisini qəbul edib. Odur ki, nəticəni siz jurnalistlər özünüz çıxarmalısınız”, - o deyib.

M.Zaxarova, həmçinin qeyd olunan Moskva görüşündə Ermənistanın Rusiyadakı səfiri ilə təmsil olunduğunu, təmsilçilik səviyyəsini dövlətlərin özlərinin müəyyən etdiyini bildirib.

• Siyəzəndə avtoxuliqanlıq edən sürücülər saxlanıldı - Video
• Moskvadan Bakıya toya gələn iki xalaoğlu dənizdə batdı
• Jurnalistikaya qəbul olmaq istəyənlərin nəzərinə!
• Bakının bu rayonunda işıq olmayacaq
• "Hazır qida məhsulları"dan 112 kq narkotik çıxdı - Video
• Moskvadan Bakıya qonaq gəlmişdilər - Faciəvi şəkildə öldülər - Yenilənib
• ABŞ və İran bu gün danışıqlara başlayacaq - Tramp açıqladı
• İspaniya Mərakeş sərhədinə dənizdə baryer qurdu