“​Bölgələrdə vakant iş yerləri hərraca çıxarılır. Amma bu vakant yerlərdə maksimum maaş 300 manatdır”.

“BUTA TV” xəbər verir ki, bu fikirləri deputat Vahid Əhmədov Milli Məclisin plenar iclasında bildirib. “Bizdə məlumat var ki, nazirliklərin qurumlarında yüksək maaşlı vakant yerlər var, amma hərraca çıxarılmır. Sahibə xanım bizim Sosial Müdafiə Nazirliyinə kifayət qədər suallarımız var. Biz istəyirik, bir neçə deputat nazirliyin rəhbərliyi ilə görüşək, bəzi məsələləri aydınlaşdıraq ki, mətbuata daşımayaq. 2 ay ərzində 48 məktub almışam, hamısı bu nazirliklə bağlıdır. Pensiya, ünvanlı sosial yardım, şəhid ailələri, qazilərlə bağlı problemlər var” ,- deyə deputat vurğulayıb. 

Spiker Sahibə Qafarova deputata belə cavab verib: “Yadımdadır ki, sizin komitələr dinləmələr keçirib. Sahil Babayev də bu dinləmələrdə iştirak edib. Nazirliyin əməkdaşları da müxtəlif məsələlərlə bağlı müzakirələrdə iştirak ediblər, fəal olublar”.

Parlamentin Əmək və sosial siyasət komitəsinin sədri Musa Quliyev isə əlavə edib ki, bu məsələlər həm komitələrdə, həm də qanun layihəsinin birinci oxunuşu zamanı müzakirə olunub: “Nazir Sahil Babayev də bir saata yaxın danışıb. Düzü, bilmirəm siz buradan hansı media orqanının diqqətini çəkmək üçün bu cür danışdınız. Ümumiyyətlə, düşünmürəm sizin belə probleminiz olsun, ölkədə kifayət qədər tanınmış adamsınız. Hesab edirəm ki, diqqət çəkmək üçün bu cür şərhlərə ehtiyac yoxdur”.

• Dəhlizdə Azərbaycan vətəndaşı yoxlanacaq? - Paşinyan
• Polşaya hücum: Putin qurbağanı qaynatmağa başladı
• 16 yaşlı qız cinsi zorladılar, 4 nəfər həbs olundu
• Sabiqlərlə bağlı SENSASİYA: Azərbaycanı təhlükə gözləyir - Siyahıdakı adlar...
• Onlar son zamanlar 100 milyonluq əmlak satıblar... – İDDİA
• Rus dronları Polşaya qəsdən girib – Putinin məqsədi nədir?
• Manaf Ağayevin oğluna vəzifə verildi
• Onlar da polisin vəzifələrini icra edəcək