Yeni bir araşdırma həftədə cəmi 15 min addım atmağın ömürə üç il əlavə edə biləcəyini göstərib.
BUTA.TV Medicina.az-a istinadən xəbər verir ki, Böyük Britaniyada London İqtisadiyyat Məktəbi ilə sığorta şirkətlərindən birinin apardığı ortaq araşdırma ömrü uzatmağın yolunun hərəkət etməkdən keçdiyini sübuta yetirib.
Tədqiqat çərçivəsində Böyük Britaniya və Cənubi Afrikada on il ərzində bir milyondan çox insanın davranış və vərdişləri təhlil edilib. Nəticələr göstərib ki, fiziki aktivlik bütün yaş qruplarında böyük müsbət təsirlərə səbəb olur, lakin xüsusilə yaşlı nəsil üçün daha effektivdir. Həftədə üç dəfədən çox, müntəzəm olaraq 7 500 addım atan 65 yaşdan yuxarı insanlarda ölüm riskində 52 faiz azalma müşahidə olunub. Bu, 45-65 yaş qrupunda müşahidə edilən 38 faizlik azalmadan və ümumi əhalinin sayı üzrə 27 faizlik azalmadan əhəmiyyətli dərəcədə böyükdür.
İki il ərzində həftədə üç dəfə, ən azı 5 000 addım ataraq sağlam fiziki fəaliyyət vərdişini saxlamaqla kişilər üçün orta ömür uzunluğuna 2,5 il, qadınlar üçün isə 3 il əlavə oluna biləcəyi müşahidə edilib.
Bu, həmçinin 2-ci tip diabet nisbətinin azalmasına və bu xəstəlikdən əziyyət çəkənlərdə ölüm riskinin 40 faiz aşağı düşməsinə də gətirib çıxarıb.
- "Baku Energy Forum"u başladı
- OPEK+ hasilatı artırır: Bakı üçün ciddi risk yarandı
- Dərs yükü ağır, imtahan çətin… - Ekspertlər təklif verdi
- Ceyhun Bayramov Keniyaya yola düşdü
- Qərbi Azərbaycan yaradıla bilər - Krılov
- Ukrayna Rusiyaya dronları hansı ölkədən keçirib? – Sensasiya
- 28 Mayı üç qardaşa layiq qeyd etdik - Ərdoğan
- İlham Əliyevdən millinin qələbəsinə reaksiya - Foto