Bu gün rayon yollarında boş sahələrdə stadion boyda supermarketlər inşa edilir. Supermarketlərə daxil olarkən yüzlərlə müxtəlif əndrabadi adda araq növləri satılır.

BUTA.TV xəbər verir ki, bu fikirləri deputat Sabir Rüstəmxanlı Milli Məclisin iclasında deyib.

Onun sözlərinə görə, onların hamısı Azərbaycan sexlərində qeyri-qanuni yollarla istehsal edilir və yalnız üzərində dəbdəbəli adlar yazılır:

“Qiyməti də təxminən 3-6 manatdır. Hamı da görür ki, bu, saxta araqdır. Az maaş alanlar da həmin araqları alır və nəticədə kütləvi zəhərlənmə baş verir.

Bir neçə yaxın dostum İrandan gətirilən spirtdən düzələn arağa görə həyatını itirib. Ümumiyyətlə, saxta içkiləri kim buraxır, niyə nəzarət yoxdur. Hansı ki, hər ad bir lisenziyadır. Əgər Azərbaycan bu qədər araq istehsal edirsə, niyə kənara çıxa bilmirik?! Vaxtilə ölkəmizin “Ağdam” şərabı Rusiyanın hər bölgəsində satılırdı. Azərbaycan şərabları bu gün də var. Ən yaxın əlaqədə olduğumuz Şimali Qafqazda ancaq gürcü, erməni içkiləri görürük. Amma Azərbaycan istehsalı içkilər tapılmır. Halbuki Azərbaycan pulu hesabına oradakı sanatoriyalar özünü saxlayır. İdxal yoxdursa, deməli ya keyfiyyət aşağıdır, ya da işi qura bilməmişik”.

• Bakıda böyük dəyişiklik: Bu ərazilər yenidən qurulacaq - VİDEO
• Putinin masasındakı “gizli qovluq”da nələr var? - Şok faktlar
• Ermənilər Göyçədən gedir: Qərbi Zəngəzurda nə baş verir?
• AYNA rəhbəri ABŞ-da gizlənən İlqar Hacıyevin milyonluq villasını alır — EKSKLÜZİV
• Azərbaycan müdafiə xərclərini artırır - MN
• Xəzər dənizi ilə bağlı kritik görüş
• Hava limanından Əhmədliyə London taksisinin qiyməti şok etdi
• Ağalarovun restoranında toy edən məmur işdən çıxarıldı