Bu qanun layihəsi inhisarçılığın yaranmasına xidmət edir.
BUTA.TV xəbər verir ki, bunu Milli Məclisin bu gün keçirilən iclasında deputat Qüdrət Həsənquliyev “Tütün və tütün məmulatı haqqında” qanuna təklif edilən dəyişiklik haqda danışarkən deyib.
Deputat bildirib ki, qanun layihələri sui-istifadəyə dair ekspertizadan keçirilməlidir:
“Bu qanunda hüquqların əsassız məhdudlaşdırılması müşahidə edilir, qeyri-bərabərlik yaradılır. Yeni fəaliyyət sahəsi yaradanlara bəzi müddəalar şamil edilir, köhnə şirkətlərə isə maddələr şamil olunmur. Yeni yaradılmış müəssisə üçün 34 milyon tələbi qoyulur. Köhnə müəssisə üçün isə bu tələb yoxdur, o xaricdən siqaret idxal edəcək. Nəticədə yeni müəssisə açmış şəxs bankrot olacaq. Mən istəyərdim Azərbaycanda heç kim siqaret çəkməsin. Ötən iclasda elektron siqaretin Azərbaycanda qadağan edilməsi təklif olundu. Mən bunu araşdırdım, gördüm ki, elektron siqaretlər sağlamlığa az ziyanlı imiş. Yəni biz deyirik, elektron siqareti qadağan edək, hamı keçsin normal siqaretə? Marketlərdə artıq qızlar alıcılara siqaret təklif edir. Təklif edirəm ki, COP dövründə siqaretin reklamını yığışdırsınlar. Bizdə köşklərə baxın, hər yerinə siqaretlər düzülüb. Hesab edirəm bu qanun layihəsi geri qaytarılmalı, mütləq ekspertizadan keçirilməlidir”.
- Ermənistan Qarabağ danışıqlarına dair sənədləri yayımladı
- Tiflis TIR-larımızı buraxmadı: Kobaxidzedən reaksiya
- Rüstəm İbrahimbəyov Mehdiyevlə bağlı nələr demişdi?
- Gəncə "Nizami İnnovasiya Mərkəzi” niyə açılmır? - İRİA icraçını ağır vəziyyətdə qoyub
- Gürcüstan Azərbaycana problem yaradır - Saakaşvili
- Milli Şura ilə bağlı Qərbdə bu fikir var - Ekspertdən şok
- Mehdiyev oğlunu Patruşevlə tez-tez görüşdürürmüş - Şok foto
- Qaydalar təsdiqləndi: daha tez pensiya və yüksək məbləğ seçimi...